trampni sotlash basquchi bashlandi

türkiye awazi radiyosi xewiri: awam palatasi teripidin qobul qilinghan trampni wezipisidn qaldurushqa alaqidar  ikki qararname, buningdin kéyinki basquchta teptish mehkimisi  wezipisi öteydighan awam palatasi ezaliri teripidin palatagha sunuldi.

awam palatasi bashliqi nansi pélosi teripidin tünügün élan qilinghan we mesulluq wezeipisini axbarat ishliri komitétiining bashliqi adem schif öz üstige alghan 7 kiishlik teptish wekilliridin teshkil tapqan heyet, palata binasigha bérip, bu mesilige alaqidar höjjetlerni munasiwetlik orungha tapshurup berdi, andin trampqa qaritilghan eyibleshlerni öz ichige alghan 9 betlik qararnamini oqudi.

palatadiki sotlash ishlirigha riyasetchilik qilghan aliy sot mehkimisining bashliqi jon robérts, palata omumiy kéngishide qesem ichip «trampni wezipisidin qaldurush ishliri mehkimisi» ning bashliqi boldi.

robértning közitishi astida ishqa ashurulghan tunji olturushta, buningdin kéyinki basquchta heyet ezasi süpitide wezipe öteydighan 100 palata ezasi awwal ammiwi halda qesem ichti, andin munasiwetlik höjjetke bir – birlep imza qoyup, wezipe öteshke bashlidi.

robérts,  bu heqtiki resmiyetlerning tamamlinishidin kéyin « trampni wezipisidin qaldurush ishliri mehkimisi» ge aylanghan palata omumiy kéngishi olturushining 21 – yanwar seyshenbe küni chüshtin kéyin shu jay waqti saet 13 te ishqa ashurulidighanliqini jakarlidi.

 21 – yanwardiki olturushta, jawabkar we dewagerlerning pikir bayan qilishi kütülmekte. amérika qoshma ishtatlirida 3 – féwral küni lowa ishtatida teyyarliq saylamliri bashlinidighanliqi üchün, palatadiki olturushlarning birqanche hepte ichide tamamlinishi we palatadiki köp sanliqni teshkil qilidighan jumhuriyetchilerning qollishi astida trampning aqilinishi mölcherlenmekte.

polési, 2019 – yili 24 – séntebir küni élan qilghan bayanatida, «amérika qoshma ishtatlirining milliy bixeterlikige ziyan yetküzgenliki we pirézidéntliq qesimige xilapliq qilghanliqi» seweblik trampni wezipisidin qaldurushqa alaqidar tekshürüshning bashlanghanliqini uqturghanidi.