sépér: türkiye amérikining natodiki muhim ittipaqdishi

türkiye awazi radiyosi xewiri: éspér amérika qoshma ishtatliri bash ishtab bashliqi général mark milléy bilen birlikte dölet mudapie ministirliqida ötküzgen qoshma axbarat élan qilish yighinida mundaq dédi: «türkiye uzun yillardin buyan dölitimizning shimaliy atlantik ehdi teshkilatidiki muhim ittipaqdishi bolidu. türkiye koréiyedin afghanistanghiche bolghan barliq urushlarda biz bilen birlikte urush qildi. türkiye dölet mudapie ministiri hulusi aqar bilen dawamliq uchur - alaqe qilip turuwatimen. adanadiki <injirlik herbiy bazisi> heqqide taratqularda otturigha chiqqan bayanatlargha kelsek, bu bayanatlarni élan qilghan türkiye dairilirining jiddiy yaki emesliki toghruluq ular bilen biwasite söhbet élip bérishimgha toghra kélidu. bizning qarishimiz shuki, türkiyeni shimaliy atlantik ehdi teshkilatigha téximu yéqinlashturushimiz lazim. chünki qudretlik armiyege ige türkiye bizning uzun yilliq ittipaqdishimizdur.»

u, amérika eskerlirining süriyede qachanghiche qalidighanliqigha alaqidar soalgha jawab bergende, amérika qoshma ishtatlirining süriyediki nishanining, daéshning dölettiki yerlik küchler teripidin kontirol qilinishini ishqa ashurush, hemde amérika qoshma ishtatlirining bashqa ittipaqdashlirining bu nishangha hesse qoshushini kapaletke ige qilish ikenlikini qeyt qildi.