боливийәдә ички қалаймиқанчилиқ йүз бәрди
боливийәдә армийәниң истепа беришини тәләп қилиши билән пирезидентлиқ вәзиписидин айрилған ево моралес (Evo Morales) тәрәпдарлири билән уларға қарши турғучилар икки тәрәп болуп намайиш өткүзди.
түркийә авази радийоси хәвири: боливийә пайтәхти сукрениң бәзи районлирида намайишчилар оттурисида тоқунушлар йүз бәрди. сақчилар намайишчиларға йаш аққузуш бомбиси етип тарқитивәтмәкчи болди. йүз бәргән вәқәләр җәрйанида тутулғанларниң барлиқи билдүрүлди.
ево моралес твиттерда байанат елан қилип, һөкүмәткә қарши өктичиләрниң сепигә өткән сақчиларниң, сукре вә ел алто шәһәрлиридә намайиш қилған һөкүмәт қоллиғучилириға раст оқ чиқарғанлиқини билдүрди.
боливийә таратқулиридики хәвәрләрдә көрситилишичә, ево моралес армийәниң тәлипи бойичә 10-нойабир кәчтә вәзиписидин истепа бериши билән тәң, булаң-талаң қилиш вә от қойуш вәқәлири йүз бәргән. сукрениң җәнубидики бир гәрәждә 60 тин артуқ аптобусқа от қойуп берилгән, бәзи ширкәтләр булаң-талаңға учриған йаки от қойуп берилгән.
түнүгүн (11-нойабир) сукреда күндилик турмуш паләч әһвалға чүшүп қелиш нуқтисиға йәткән. нурғун ширкәт вә магезинлар ечилмиған. бәзи мәктәпләрдә оқуғучилар дәм елишқа қойуп берилгән. бәзи мәһәллә аһалилири кочиларға тосуқ қойуп, өзлири турушлуқ районларни қоғдашқа тиришқан.
боливийә өктичилири сайлам өткүзидиған вақитлиқ һөкүмәтниң қурулуши үчүн хизмәтләрни ишлимәктә. бу мусапидә, вақитлиқ һөкүмәт пирезидентлиқини үстигә елиши күтүлүватқан кеңәш палатасиниң өктичи муавин башлиқи җенайне анез (Jeanine Anez) боливийә қанун чиқириш парламентида байанат елан қилди.
у «хәлқниң йеңи пирезидент» тәләп қилидиғанлиқини билдүрүп, 22-йанвар (2020) боливийәниң йеңи пирезидентқа еришидиғанлиқини қәйт қилди.
боливийәниң тунҗи йәрлик пирезиденти ево моралес өткән ай (өктәбир) өткүзүлгән сайламдин кейин башланған вә зораванлиқларға айланған намайишларниң тәсиридә армийәниң чақириқи билән һоқуқидин истепа бәргән иди.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.