firansiyediki birjemiyet islamgha qarshi kishilerni éniqlash boyiche bélet tashlash paaliyiti bashlidi

türkiye awazi radiyosi xewiri: firansiye irqchiliq we islamobofiyani közitish merkizi, bu yil firansiyede islamgha qarshi sözliri bilen eng köp küntertipke kelgen kishilerni éniqlap chiqish meqsitide ijtimaiy taratquda bélet tashlash paaliyiti bashlidi.

ijtimaiy taratqu ishletküchilirining tashlighan béletlirige asasen firansiyede islamgha qarshi bayanatliri bilen küntertiptiki ornini saqlap kelgen kishiler békitip chiqilidiken.

ikki guruppa halitide élip bérilghan bélet tashlash paaliyitide yérim hel qilghuch tallashqa qalghanlar barbara léfébré, yawropa parlaménti parlamént ezasi nadine morano, firansuz siyasetchi auroré bérgér, ashqun ongchi siyasetchi jén méssiha, zhurnalist paskal praud, akadémik lawrént buwét, esliy aljiriyelik zhurnalist muhamed sifauy, adwokat gillés wilyam goldnadél boldi.

irqchiliq we islamobofiyani közitish merkizi bashliqi éfakat yuna bélet tashlash toghrisida bayanat bérip, «bu kishiler nahayiti xeterlik bir oyun oynimaqta. biz  (bélet tashlash arqiliq) bu ehwalgha kishilerning diqqitini tartmaqchi we naraziliqimiz bildürmekchi bolduq» dédi.

jüme küni bashlighan bélet tashlashning bir hepte dawamlishishi kütülmekte.