girétsiyening midilli lagérida ot apiti yüz berdi
girétsiyening midilli arilidiki moriya musapirlar lagérida chiqqan ot apitide bir ayal we bir kichik bala jénidin ayrildi.
türkiye awazi radiyosi xewiri: girétsiyening midilli arilidiki lagérda namayishchilar bilen saqchilarning toqunushi jeryanida, musapirlar chédirlirigha ot ketti.
yerlik taratqulardiki xewerlerde körsitilishiche, sharaitining nacharliqi bilen bilinidighan moriya lagéridin köchüshni telep qilghan bir top kishining namayishi jeryanida, musapirlar turuwatqan chédirlargha ot ketken. weqede bir ayal we bir kichik bala jénidin ayrilghan. otni öchürüsh üchün kelgen pazharni xadimlirigha tosqunluq qilghan musapirlar bilen saqchilar arisida sürkilish chiqqan.
lagérdiki hökümet binalirini ishghal qiliwélishqa urunghan musapirlar xewpsizlik küchlirige tash-kaltekler bilen hujum qilghan. saqchilar yash aqquzush bombisi étip namayishchilarni tarqatqan.
midilli rayonluq hökümet bashliqi stratis kitélis girétsiye téléwiziyeside bayanat élan qilip, lagérda yüz bergen zorawanliq weqelirining sirtqa kéngiyip kétishidin endishe qiliwatqanliqini, paytext afénadin zapas saqchi qisim telep qilghanliqini bildürdi.
girétsiye taratquliri afénadiki saqchilar qismining «C-130» tipliq ayropilanlar bilen midilligha ewetilgenlikini xewer qildi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
