зариф иранниң уруш башлиған тәрәп болмайдиғанлиқини ейтти

түркийә авази радийоси хәвири: иран ташқи ишлар министири муһәммәд җәвад зариф норвегийәни зийарәт қилди.

иран телевизийәсиниң хәвиригә асасланғанда, җәвад зариф норвегийәниң пайтәхти ослодики учришишлири даирисидә, ташқи ишлар министири ейни ериксон билән көрүшкән.

у көрүшүштин кейин өткүзүлгән ортақ ахбарат елан қилиш йиғинида, америка бәсрә боғузида қурушни халайдиған һәрбий бирләшмигә норвегийәниң қатнишидиған йаки қатнашмайдиғанлиқи һәққидики соалға: «америка бәсрә боғузида ишәнчисзликниң амили. қатнаш наһайити зич болған бу районда вәқә йүз беришигә рухсәт қилмаслиқимиз лазим» дәп җаваб бәрди.

у һурмуз боғузида деңиз бихәтәрлики болса, җәбилтариқ боғузидиму болуши керәкликини билдүрүп, деңиз бихәтәрликидә районниң әң муһим күчи икәнликлирини вә бәсрә боғузида һәрбий күчләрниң бихәтәрликкә пайдилиқ әмәсликини әскәртти.

у норвегийә хәлқара мунасивәтләр иниститутида қилған сөзидә, һурмуз боғузиниң йериминиң иран контроллуқида икәнликини, иран болмай туруп, у йәрниң бихәтәрликини әмәлгә ашурғили болмайдиғанлиқини тәкитлиди.

у иранниң районда уруш башлиған тәрәп болмайдиғанлиқини, бирақ уруш йүз бәргән әһвалда өзини қоғдайдиғанлиқини қәйт қилди.

у зийарити даирисидә, норвегийә баш министири ерна солберг биләнму көрүшиду.