iran amérika hökümitini agahlandurdi
iran amérika hökümitini xelqaraliq déngiz tewelikide engliyege qarashliq jebiltariq hökümiti teripidin 45 kün tutup turulghandin kéyin qoyup bérilgen «1-adriya derya» néfit paraxotigha ighwagerchilik qilmasliq toghrisida agahlandurdi.
türkiye awazi radiyosi xewiri: iran tashqi ishlar ministirliqi bayanatchisi abbas musewi jebiltariq aliy sotining qarari bilen qoyup bérilgendin kéyin tünügün (18-awghust) déngizda heriket qilghan iranning néfit paraxotigha, amérika sotining musadire qilishqa höküm qilghanliqi üstide toxtaldi.
u amérikaning xelqaraliq déngiz tewelikide néfit paraxotini musadire qilishqa urunmasliq toghrisida agahlandurulghanliqini eskertip: «amérikaning shiwéytsariyede turushluq elchixanisi arqiliq agahlandurduq. bundaq heriket xelqaraliq déngizlardiki qatnash bixeterlikige tehdit salidu» dédi.
u paraxotqa ighwagerchilik qilishning yaman aqiwetlerni peyda qilidighanliqinimu eskertti.
u, iran 2019-yili 19-iyul xelqaraliq déngizchiliq qaidelirige riaye qilmighanliqini ilgiri sürüp, musadire qilghan engliye néfit paraxotining qoyup bérilidighan yaki qoyup bérilmeydighanliqi heqqidiki soalgha: «bu mesilide sotning qararini saqlishimiz kérek» dep jawab berdi.
