иран қуйуқландурулған уран записиниң миқдарини ашурди
иран даирилири, қуйуқландурулған уран миқдарини йадро келишимидә көрситилгән 300 килогирам запаслаш өлчимидин ашурғанлиқини уқтурди.
түркийә авази радийоси хәвири: иранниң йерим рәсмий хәвәр агентлиқи – фарсниң хәвәр қилишичә, теһран даирилири %3.67 лик қуйуқландурулған уран миқдарини йадро келишимидә көрситилгән 300 килогирам запаслаш өлчимидин ашурувәткән.
теһран, хәлқара атом енергийәси оргини көзәткүчилириниң өткән чаршәнбә күнидин буйан иранниң қуйуқландурулған уран миқдарини өлчәш арқилиқ запас миқдариниң 300 килогирамдин ешип кәткәнликини ениқлап чиққанлиқини билдүрди.
иран атом енергийәси оргини байанатчиси бәһруз кәмалвәнди 26 – ийунда байанат берип, келишимниң йавропадики тәрәплиригә берилгән мөһләт тошқандин кейин, қуйуқландурулған уран миқдариниң ашурулидиғанлиқини уқтурғаниди.
иран һөкүмити, 8 – майда американиң ембарголириға қарши келишимгә тәрәп болған дөләтләргә 60 күн мөһләт беридиғанлиқини, мөһләт тошқандин кейин қуйуқландурулған уран миқдарини ашуридиғанлиқини җакарлиғаниди.
