firansiye mehkimisi, esmaning erzining yolluq ikenlikige höküm qildi
wérsaillés aliy sot mehkimisi, mikropol shirkitide ishlewatqan esnada yaghliq chegkenliki üchün xizmettin boshitilghan esma bonaul isimlik ayalning 10 yil artuq dawamlashqan délosi toghrisidiki hökümnamisini élan qilghan.
türkiye awazi radiyosi xewiri: firansiye wérsaillés aliy sot mehkimisi, xizmet ornida yaghliq chegkenliki üchün 2008 – yili ishtin boshitilghan esma isimlik ayalning erzini yolluq dep qarap, shirketni 23 ming yawro tölem töleshke höküm qildi.
lé parisién gézitining xewer qilishiche, wérsaillés aliy sot mehkimisi, mikropol shirkitide ishlewatqan esnada yaghliq chegkenliki üchün xizmettin boshitilghan esma bonaul isimlik ayalning 10 yil artuq dawamlashqan délosi toghrisidiki hökümnamisini élan qilghan.
mehkime, shirketning mezkur ayalni naheq rewishte xizmettin boshatqanliqini eskertken we esmaning shikayitining orunluqluqigha höküm qilghan. mehkime yene, mikropol shirkitining esmagha 23 ming yawro tölem tölishi kéreklikini békitken.
mikropol shirkiti teripidin layihe inzhénéri süpitide 2008 – yili xizmetke qobul qilinghan esma, xizmet ornida yaghliq chegkenliki ilgiri sürülüp ishtin boshitilghandin kéyin, shirket üstidin sotqa erz sunghanidi.
