gérmaniyede yaghliqliq hamildar ayal hujumgha uchridi
gérmaniyening paytexti bérlinda kimliki hazirghiche éniqlinalmighan bir adem yaghliq artiwalghan hamildar bir ayalning qorsiqigha mush atti.
1167191
türkiye awazi radiyosi xewiri: bérlin saqchi idarisi bayanat bérip, 41 we 47 yashlardiki ikki ayal perzentliri bilen birlikte néuköln poyiz istansisida kétiwatqanda, itini ulargha yéqinlashturghan bir kishi bilen detalash qilishqanliqini bildürdi.
bayanatta, mezkur kishining yaghliq artiwalghanliqi tüpeyli ayallargha haqaret qilghanliqi, 41 yashliq hamildar ayalning qorsiqigha mush atqanliqi, 47 yashliq ayalning yüzige qaritip étilghan mushtin özini aranla chetke éliwalalighanliqi qeyt qilindi.
hujumchining weqe yüz bergen jaydin qéchip ketkenliki bildürülgen bayanatta, sehiye xadimlirining herxil éhtimalliqlarni nezerde tutup hamildar ayalni balnistqa alghanliqi, saqchining tekshürüshni dawamlashturuwatqanliqi eskertildi.
