йәмәндә милйонларчә киши турмуш мәнбәлиридин айрилип қалди

түркийә авази радийоси хәвири: б д т ниң йәмәндики инсаний мәсилиләр кординатсийә ишханиси байанат елан қилип, йәмәндики киризисқа дәрһал мудахилә қилиш хизмәтлири даирисидә, дунйа банкисиниң қоллап – қуввәтлиши билән 264 миң адәмгә 6 милйон 100 миң күн (һәр биригә оттуричә 23 күн) әмгәк пурсити йаритилғанлиқи қәйт қилинди.

байанатта, йәмәндә 8 милйон адәмниң турмуш мәнбәсидин айрилип қалғанлиқи, 22 милйон 200 миң йәмәнликниң инсаний йардәмгә моһтаҗ икәнлики әскәртилди.

йәмәндә һәрбий – сийасий өзгириш қозғап қанунлуқ һөкүмәтни ағдурувәткән һусийлар, 2014 – йили сентәбирдин буйан пайтәхт сәна (сана) қатарлиқ бәзи районларни контрол қилип кәлмәктә.

сәуди әрәбистан башчилиқидики иттипақдаш күчләрму 2015 – йилиниң март ейидин буйан һусийларға қарши қанунлуқ һөкүмәт қармиқидики күчләрни қоллап – қуввәтлимәктә.