iranda chiriklik hadisisi döletke xewp élip kélidighan sewiyege bérip yetti

türkiye awazi radiyosi xewiri: iranning sabiq pirézidénti muhemmed xatemi, chiriklik mesilisining döletke xewp élip kélidighan sewiyege bérip yetkenlikini éytti.

islahatchilar éqimining ghol rehberliridin hésablinidighan xatemi, yashlargha xitab qilip iran duch kéliwatqan mesililer üstide toxtaldi.

chiriklik mesilisining iran we islam inqilabigha xewp élip kélidighan sewiyege bérip yetkenlikini éytqan xatemi: jemiyitimizning asasliq pirinsipi bolghan chiriklikke qarshi küresh  qilish we adaletni berpa qilish mesilisini yaxshi bir terep qilalmiduq, dédi.  

xatemi özige tewe tor bétide iranda ewjige chiqqan chiriklik hadisisige islahatchiliq yaki enenchilik nuqtisidin qarashning toghra emeslikini eskertti.

yashlargha iranning nöwettiki ehwalidin ümidsizlenmesliki lazimliqini eskertken xatemi, xelqning islahatlardin ümidini üzüshke seweb bolidighan qarashlardin xaliy bolushni tewsiye qildi.

muhemmed xatemi: islahatchilar iranni qutquzushni aldinqi nishan qilidu, dédi.

parlaménttiki  ümid partiyesi bashliqi muhemmed riza arif pirézidént hesen ruhanining tashqi piruwut siyasitining burunqi pirézidént mehmud ehmedinéjadning siyasiti bilen oxshash ikenlikini éytti.

arif iran ümid waxpisi soda tereqqiyat komitéti yighinida söz qildi.

ruhani hökümitining tashqi piruwut bazirigha qaratqan siyasetlirini tenqid qilghan arif, ehmedinéjad dewride yolgha qoyulghan siyasetler üstide toxtilip: tashqi piruwut mesiliside toghra yol tutulmidi , burunqi hökümetning siyasiti shu péti yolgha qoyuldi, dédi.

ruhanini qollap kéliwatqan ümid partiyesi burun hökümetning siyasetlirini tenqid qilishtin yiraq turatti.