германийә йәнә бир қетим п к к сәтчиликигә йол қойди

түркийә авази радийоси хәвири: германийәниң пайтәхти берлинда, бөлгүнчи террорлуқ тәшкилати п й д / п к к тәрәпдарлири федератсийә парламентиниң алдиға чедир тикип, түркийәниң сүрийәдә давамлаштуруватқан зәйтун шехи һәрбий һәрикитигә қарши тәшвиқат елип барди.

террорлуқ тәшкилати тәрәпдарлириниң германийәдә мәни қилинғанлиқи үчүн бөлгүнчи террорлуқ тәшкилати каттибешиниң рәсимини ишләтмәслики, бирақ, п й д / п к к ниң сүрийә қанити й п г ниң символлуқ латилирини чедирға есиши диққәтни тартти.

германийә федератсийә парламентидики өктичи солчи партийәниң қоллиши астидики п й д / п к к тәрәпдарлириға сақчиларму мудахилә қилмиди. террорлуқ тәшкилатиниң чедириға тәклип қилинған германлар вә башқа зийарәтчиләргә түркийәгә қарши тәшвиқат вәрәқилири тарқитип берилди.

п й д / п к к тәрәпдарлири зийарәтчиләрдин зәйтун шехи һәрбий һәрикитигә вә германийәниң түркийәгә қорал сетип беришигә қарши турушни қоллишини тәләп қилди.