mayk péns pelestinde qarshi élinmaydighan kishi dep élan qilindi

türkiye awazi radiyosi xewiri: fetih herikiti merkiziy kéngishining ezasi jibril errujub bir téléwéziye pirogrammisigha qatniship, amérika muawin pirézidénti pénsning ikki heptidin kéyin bashlaydighan pelestin ziyaritidin burun «qarshi élinmaydighan kishi» dep élan qilinghanliqini bildürdi.

jibril errujub pénsning pelestin dölet reisi mehmut abbas bilen körüshüsh üchün 19-dékabir pelestinge kélidighanliqini eskertip, ereb döletlirini quddusni isirailiye paytexti dep élan qilghan amérikadin héchqandaq emeldarni qobul qilmasliqqa chaqirdi.

amérika pirézidénti donald tramp 5-dékabirdiki axbarat élan qilish yighinida, b d t xewpsizlik kéngishining 1980-yili chiqarghan isirailiyening sherqiy quddusni özige qoshuwélip, paytext élan qilishini küchke ige emes dep hésablighan 478-nomurluq qarari bar bolsimu, «quddusni resmiy isirailiye paytexti dep tonushning waqti keldi» dégen idi.

pirézidént tramp axbarat élan qilish yighinida yene, tashqi ishlar ministirliqigha tél awiwdiki amérika elchixanisini quddusqa yötkesh üchün teyyarliqlarni bashlash toghrisida yolyoruq chüshürgenlikinimu éytqan idi.