кабулдики партлашта 35 адәм өлди, 400 дин артуқ адәм йариланди
афғанистанниң пайтәхти кабулниң ғәрбидики көп санлиқ аһалиси шиәләрдин тәшкил тапқан бир мәһәллидә наһайити шиддәтлик бир аптомобил бомба һуҗуми йүз бәрди.
түркийә авази радийоси хәвири: афғанистан пайтәхти кабулда йүз бәргән адәм бомба һуҗумида һайатидин айрилғанларниң сани 35 кә йәтти, 400 дин артуқ адәм йариланди.
афғанистан ички ишлар министирлиқи байанатчиси, һуҗумчиниң аптомобил бомбини кабулниң ғәрбидики көп санлиқ аһалиси шиәләрдин тәшкил тапқан бир мәһәллидә, мәдән ишлири министирлиқи хадимлири олтурған бир аптобусниң йенида партлатқанлиқини билдүрди.
йариланғанларниң арисида көп санда кичик балидин башқа, партлаш йүз бәргән җайға йеқин йәрдә өйи болған афғанистан иҗраийә оргининиң муавин башлиқи һаҗи муһәммәд муһәққиқиниң муһапизәтчилириниңму барлиқи билдүрүлди.
һуҗумниң җавабкарлиқини үстигә алған талибанниң әслидики нишаниниң дөләт бихәтәрлик идариси хадимлири икәнлики илгири сүрүлди.
һуҗумда әтраптики биналарниң әйнәклири чеқилип кәтти, 3 аптомобил пүтүнләй кардин чиқти.
игилинишичә, афғанистанниң алдинқи қатардики көплигән сийасий рәһбәрлири пайтәхт кабулниң ғәрбий қисмида йашайдикән.
