панаманиң сабиқ мустәбит пирезиденти өлди

түркийә авази радийоси хәвири: оттура америка дөләтлиридин панаманиң сабиқ пирезиденти мустәбит мануел норига 83йашта өлди.

панама учур-алақә ишлири мануел домингуез мустәбит норигиниң өлгәнликини уқтурди, бирақ өлүм сәвәби үстидә тохталмиди.

бултур меңә опратсийәси қилинған норига меңисигә қан чүшүп дохтурханиға йатқузулғаниди.

панама пирезиденти җун карлос варела Twitter адресида бу һәқтә учур тарқитип мундақ деди: «норигиниң өлүми билән тарихимизниң бир сәһиписи йепилди.»

1984-йили панаманиң пирезиденти болған норига, америка қошма иштатлири 1989-йили паманини ишғал қилғучә 6 йил һакимийәт бешида қалди.

пирезидент вақтида америкини қоллиған норига, оттура америкида коммунизимниң тарқилип кетишигә тосалғу болуш үчүн һәрикәт қилған вашингитон һакимийитиниң муһим шириклиридин бири болғаниди.

америка һакимийити хәлқигә бесим сийасити йолға қойуп,  зәһәрлик чекимлик әткәсчиликигә арилишип қалған пирезидент норигини ағдуруп ташлаш үчүн 1989-йили панамани ишғал қилди.

америкиниң памана ишғал қиливелишидин кейин  паманадики ватиган әлчиханисидин панаһлиқ тилигән норига, 1990-йили 3-йанварда тәслим болди.

сотлиниш үчүн америкиға елип берилған норига, зәһәрлик чекимлик әткәсчилики, қара пул йуйуш вә қанунсиз пул йиғиш қатарлиқ җинайий қилмишлар билән әйиблинип 17 йил қамақ җазасиға һөкүм қилинди.

норига 2010-йилиға кәлгәндә фирансийәдә кокайин әткәсчилики билән шуғуллинип кирим қилған пулларни фирансийә банкилири вастиси арқилиқ йуйуш билән әйиблинип йәнә 7 йил қамақ җазасиға һөкүм қилинди.

фирансийә тәрипидин 2011-йили паманаға қайтуруп берилгән норига, бу қетимму пирезидент вақтида сийасий рәқиблирини қәстләш билән әйбилинип 3 қетим айрим-айрим 20 йил қамақ җазасиға һөкүм қилинди.

түрмидә меңә раки диагинози қойулған норига меңә опратсийәси қилинғанлиқи үчүн бу йил йанварда қойуп берилди.