tramp: weziyet muwapiq bolghan bolsa shimaliy koréye rehbiri bilen körüshettim
urush bosughisigha kélip qalghan amérika bilen shimaliy koréye munasiwetliride kishini heyran qalduridighan bir özgirish yüz berdi.
türkiye awazi radiyosi xewiri: amérika pirézidénti donald tramp purset yar bergen ehwalda shimaliy koréye rehbiri kim jongun bilen tonushushtin özini shereplik hés qilidighanliqini éytti. tramp: «uning bilen körüshüsh men üchün éytqanda muwapiq bolghan bolsa idi, jezmen körüshettim, körüshkenlikimdin özemni shereplik hés qilattim. eger weziyet muwapiq bolghan bolsa idi, shundaq qilattim» dédi.
aqsaray bayanatchisi shan spaysér bu heqte toxtilip, mundaq dédi:
«shimaliy koréyening ighwagerchilik xaraktérdiki pozitsiyesini peskoygha chüshürüshi kérek. ochuqini éytqanda, hazir weziyet muwapiq emes.»
hazirghiche amérikining héchqaysi pirézidénti shimaliy koréye rehberliri bilen körüshüp baqmidi. amérika ötken heptilerde shimaliy koréyening bashqurulidighan bomba tehditlirige qarshi «karl winson» namliq awiyamatkisini koréye yérim ariligha ewetken idi. hetta, pirézidént tramp bir qétimliq twittér uchurida: «shimaliy koréye özining béshigha bala tériwatidu» dégen idi.
shimaliy koréye buninggha jawaben amérikigha: «her qachan urush partlishi mumkin» dep tehdit salghan idi.
