колумбийәдә кәлкүн сәвәбидин еғир зийан келип чиқти

түркийә авази радийоси хәвири: колумбийәдә мәйданға кәлгән кәлкүн апитидә қаза қилғанларниң сани 250гә йәтти.

колумбийә пирезиденти җуән мануел сантос ғәрбий җәнубқа җайлашқан путумайо районида мәйданға кәлгән кәлкүн апитидә қаза қилғанларниң  саниниң 254кә йәткәнликини уқтурди.

сантос иҗтимаий таратқудики адресидин бу һәқтә учур тарқитип, шиддәтлик һөл йеғинлар сәвәб болған кәлкүн сәвәбидин мокав шәһиридики бәзи мәһәлләрниң су астида қалғанлиқини билдүрди.

қаза қилғанларниң ичидә 44 балиниң барлиқини ейтқан сантос, миңдин артуқ әскәр вә сақчидин тәшкил тапқан издәш-қутқузуш әтритиниң районда вәзипә өтәватқанлиқини қәйт қилди.

вәйран болған биналар астида қалған әң ахирқи кишини қутқузуп чиққучә издәш-қутқузуш хизмәтлириниң давамлишидиғанлиқини алаһидә әскәртип өткән сантос мокав шәһирини қайтидин қуруп чиқиш үчүн мәбләғ селинидиғанлиқиға вәдә бәрди.

кәлкүн сәвәбидин йолларниң қатнашқа тосулуп қелиши түпәйли, издәш-қутқузуш хизмәтлириниң оңушлуқ болмайватқанлиқи, униң үстигә районға ток берилмәйватқанлиқиму билдүрүлди.

районда мәйданға кәлгән шиддәтлик һөл-йеғин сәвәбидин мокав, мулато вә санкойако дәрйалири тешип кетип кәлкүн апити мәйданға кәлди, мокав шәһиридә болса бәзи мәһәллиләр пүтүнләй йоқ болуп кәтти.

еквадор вә перу чеграсиға җайлашқан путумайо райониниң пайтәхти мокавда 45 миң киши йашайду.