ташқи пиланетада растинла инсанлар барму?
2.5 милйон йултузни көзитиватқан алимлар, билим дунйасини һайаҗанға салидиған йеңи мәлуматларни елан қилмақта.
түркийә авази радийоси хәвири: русийәлик милйардер йури милнер вә фәйисбукниң қурғучиси марк зукерберг маддий җәһәттин йардәм қилған әнглийәлик физика пирофессори стефен хавкиң «ташқи пиланеталардики мәдәнийәтләрни кәшип қилиш» үчүн башлиған лайиһәсиниң дәсләпки нәтиҗилирини елан қилди.
мәлуматларға асасланғанда, 2.5 милйон йултузниң 234 идин нормал болмиған сигналлар байқалған болуп, бу сигналларниң аләмдики тәрәққий қилған мәдәнийәтләрдин кәлгән болуш еһтимали бар икән.
хавкиң математикилиқ җәһәттин йәр шариниң сиртида җанлиқларниң барлиқини қобул қилишниң, еһтимали йуқири болған нәзәрийә икәнликини давамлиқ тәкитләйду. у йәнә, йәр шариниң сиртидики җанлиқларниң йәр шарини тепивалғанда, ақивитини анчә йахши болмайду, дәп қарайду. бу сәвәбтин, у: «биринчи болуп тапқан биз болушимиз лазим» дәйду.
у буниңдин бурун елан қилған мәлуматлиридиму йәр шариниң сиртидики җанлиқларниң, йәни башқичә қилип ейтқанда, ташқи пиланеталиқларниң инсанийәтниң ахирини кәлтүрүп қойуш мумкинчилики тоғрисида агаһландурған иди. у ташқи пиланеталиқларниң көчмәнлик мәдәнийитигә игә болуш мумкинликини илгири сүрүп, уларниң өзи йашаватқан пиланетадики байлиқларни түгитип, йашашқа уйғун башқа пиланета издәватқан болуш мумкинликини билдүргән иди.
