русийә хәлқи: чирикликкә путинму четилиду
иқтисадий киризис билән боғушуватқан русийә хәлқиниң пикригә асасланғанда, дөләттики әң чоң мәсилә һесаблинидиған чирикликтә пирезидент путинниңму муһим үлүши бар икән.
түркийә авази радийоси хәвири: русийәниң хәлқ райини синаш ширкәтлиридин бири болған левада мәркизиниң тәтқиқат нәтиҗисигә асасланғанда, %66 русийә хәлқи пирезидет владимир путинни дөләтниң әң чоң мәсилиси һесаблинидиған чирикликниң җавабкари дәп қариған. %51 и болса, дөләт органлирини еғир дәриҗидә чирикликкә четилиду, дәп қариған. тәкшүрүшкә қатнашқанларниң %44 и путинни чирикликкә қарши күрәш қилишқа тиришиватиду, бирақ бу мәсилидә мувәппәқийәткә еришәлмиди؛ русийәдә чириклик «йилтизидин қурутқили болмайдиған реаллиқ» қа айланди, дәп ойлайдикән. %19 и путинниң шәхсәт өзи чирикликкә четишлиқ дәп қариған, %41 и болса, дөләттики сийасәтчиләрниң көпиничисини чирикликкә четишлиқ, дәп қариған.
русийәдики чириклик мәсилиси «панама һөҗҗәтлири» дә ашкариланди. һөҗҗәтләрдә, русийә пирезиденти путинниң йеқин дости музикант сергей ролдуги вә банкр йури ковалчукниңму исми барлиқи, тәхминән 2 милйард долларни әвәтиш ишлириға путинниң әтрапидики кишиләрниң четилидиғанлиқи илгири сүрүлгән иди.
