27.08.2021

türkiye awazi radiyosi: firansiyede chiqidighan «‹lé mondé›  géziti» (Le Monde), firansiye bash ministiri yén kastékisning, firansiyening afghanistandin chékinishning jüme küni kechte axirlishidighanliqini uqturghanliqini yazdi.

firansiyede chiqidighan «‹lé figaro› géziti» (Le Figaro), firansiyede yéqinqi 24 saet ichide «kowid – 19» wirusi sewebidin 110 kishining qaza qilghanliqini, 2 ming 261 kishining yuqumlanghanliqini xewer qildi.

iyordaniyede chiqidighan «‹eddustur› géziti», iyordaniyening afghanistanda yüz bergen térrorluq hujumlirini eyibligenlikini oqurmenliri bilen ortaqlashti.

ereb we ingiliz tillirida chiqidighan «‹elqudsul erebi› géziti», amérika qoshma ishtatliri pirézidénti jo baydinning, kabulda yüz bergen hujumlarning jawabkarlirigha tehdit sélip qilghan, «izinglargha chüshimiz we silerge bedel töletküzimiz» dégen sözlirini neqil keltürdi.

qatarda chiqidighan «‹errayel qeteriyye› géziti», «qatar kabul ayrodurumi hujumlirini eyiblidi we hujumlarda hayatidin ayrilghanlar üchün teziye bildürdi» serlewhilik xewirini oqurmenlirining diqqitige sundi.

gérmaniyening «‹Bild.de› xewerler tori», afghanistandiki partlashta 13 amérika eskirining ölgenlikini, amérika qoshma ishtatliri pirézidénti jo baydinning térrorchilargha: «siler bilen urush qilimiz» dégenlikini xewer qildi.

gérmaniyening «‹shpiygél.dé› xewerler tori» (Spiegel.de), afghanistandiki partlashtin kéyin, amérika qoshma ishtatlirida bayraqlarning yérim chüshürülgenlikini yazdi.

gérmaniyede chiqidighan «‹xandélsblat› géziti» (Handelsblatt), yawropa merkiziiy bankisining, yawro rayonida ottura mezgilde yüksek sewiyede pul paxalliqining otturigha chiqish éhtimalliqining barliqini bildürgenlikini oqurmenliri bilen ortaqlashti.

rusiyening «‹r b k› téléwiziyesi» RBK, rusiye sehiye ministirliqining, «kowid – 19» yuqumigha qarshi rus 5 – waksinisining ishlitishini testiqlighanliqini körürmenlirining diqqitige sundi.

rusiyede chiqidighan «‹kommérsant› géziti» (Kommersant), qazaqistanda bir herbiy bazida yüz bergen partlashta 4 kishining qaza qilghanliqi, 90 kishining yarilanghanliqini yazdi.

ispaniyede chiqidighan «‹él pais› géziti» (El País), ispaniyening afghanistandin tarqaqlashturush paaliyetlirini mushu jüme küni tamamlashni pilanlawatqanliqini oqurmenliri bilen ortaqlashti.

ispaniyede chiqidighan «‹él mundo› géziti» (El Mundo), «amérika qoshma ishtatliri, kabul ayrodurum qetliamidin kéyin, téximu köp daésh hujumlirigha qarshi teyyarlanmaqta» serlewhilik xewirini oqurmenliri bilen ortaqlashti.

wénézuélada chiqidighan «‹télésur› géziti», (TeleSur), kubada «kowid – 19» yuqumigha qarshi texminen 12.9 milyon shéshe waksina emlengenlikini oqurmenlirining diqqitige sundi.