26.08.2021

bügünki chet el metbuatliridin tallap teyyarlighan qisqiche xewerlirimiz töwendikiche:

1697737
26.08.2021

firansiyede chiqidighan «‹lé mondé›  géziti» yawropa kishilik hoquq sotining firansiyediki ot öchürüsh xadimlirining kowid-19 waksinisi bilen mejburi  emlinishni bikar qilish telipini ret qilghanliqini xewer qildi.

firansiyede chiqidighan «‹lé figaro›  géziti», firansiyede ötküzülgen pirézidéntliq saylimigha qarita élip bérilghan ray sinashqa asaslanghanda, mariné lépén we émmanuél makronning aldinqi orunda ikenlikini xewer qildi.

firansiyening «‹France 24› téléwiziye qanili», parizh sant gérman tenterbiye bash nazaretchisi léonardo arawjoning kélyan mibappé üchün «yaq» dégenlikini, emma u ketmekchi bolsa, uni tutuwalmaydighanliqini éytqanliqini xewer qildi.

qatarning «eljezire téléwiziye qanili», milyonlighan afghanistan puqrasining acharchiliq girdabigha bérip qalghanliqini, dunya yémeklik programmisining agahlandurush élan qilghanliqini, dunya sehiye teshkilatining bolsa, afghanistandiki kowid-19 yuqumini muzakire qiliwatqanliqini xewer qildi.

iyordaniyede chiqidighan «‹eddustur› géziti»,  dunya sehiye teshkilatining «kowid-19 ning tarqilish nisbiti muqimlishishqa bashlidi» dégenlikini xewer qildi.

qatarda chiqidighan «‹errayel qeteriyye› géziti»,  qatarning afghanistandiki diplomatik tirishchanliqini kücheytiwatqanliqini xewer qildi.

ispaniyede chiqidighan «‹El Pais› géziti», ispaniye bash ministiri pédro sanchéz we shimaliy afriqidiki ispaniye zémini séuta aptonum shehirining bashliqi juan josé wiwasning özara uchrishishtin kéyin, séuta shehirige kelgen marakeshlik balilarning qayturulishi üchün tézdin heriket qollinish qarari élishqanliqlirini xewer qildi.

ispaniyede chiqidighan «‹El Mundo› géziti», ispaniyediki yéngi oqush yilida oqughuchilarning derske köp qatnishishini ishqa ashuridighan we qur ariliqini ashurushqa kapaletlik qilinidighanliqini xewer qildi.

wénézuélada chiqidighan «‹TeleSur› géziti»,  kubadin kelgen yéngi dawalash etritining haytida yer tewreshning tesirige uchrighan rayonlardiki saghlamliq mulazimitige qatnashqanliqini xewer qildi.

 «gérmaniye awazi radiyosi», gérmaniye bash ministiri angéla mérkélning afghanistandiki mepeetlirini qoghdash üchün taliban bilen bolghan söhbetni dawamlashturush kéreklikini éytqanliqini xewer qildi.

rusiyening «‹TASS› agéntliqi, rusiye mutexessislirining qarishiche, kamchatka yérim arilidiki shiwluch yanar téghining heriketliniwatqanliqini xewer qildi.

rusiyening «‹TASS› agéntliqi, rusiye döletlik awiatsiye we alem qatnishi idarisi (Roskosmos) ning reisi dimitriy rogozinning 5-öktebirde ötküzülmekchi bolghan «Soyuz MS-19» alem kémisini qoyup bérish murasimigha élon mask, richard branson we jéf bézosni teklip qilidighanliqini xewer qildi.

rusiyede chiqidighan «<RBK > géziti », tarqaqlashturush üchün afghanistangha ewetilgen 4 rusiye ayropilanining podmoskowiy ayroduromigha qonghanliqini xewer qildi.



مۇناسىۋەتلىك خەۋەرلەر