26.07.2021

qatarning «eljezire téléwiziye qanili», tunis pirézidénti qays seidning ijraiye hoquqini tapshuruwalghan hökümetni bikar qilghanliqini we parlaméntning hoquqini tonglitip qoyghanliqini xewer qildi.

«‹elquddus elerebi› géziti», derada basquchluq kélishim hasil qilinghanliqini, émbagolar emeldin qaldurulghan teqdirde, uning bedilige qorallar chékindürülüp, herbiy we bixeterlik qisimliri qurulidighanliqini yazdi.

iyordaniyede chiqidighan «‹eddustur› géziti», (firansiye pirézidénti émmanuél) makronning tél awiw dairiliridin «pégasus» jasusluq programmisi heqqide éniqlima bérishni telep qilghanliqini xewer qildi.

gérmaniye awazi radiyosi, gérmaniye bash ministirliqi ishxanisi bashliqi hélgé wuxgn wirusi bilen yuqumlinish nisbitining éshishi mumkinliki heqqide agahlandurush élan qilghanliqini, brawnning puqralarni waksina emlitishke chaqiriq qilip, waksina emletkenlerning téximu köp erkinlikke érishidighanliqini éytqanliqini xewer qildi.

gérmaniyening ‹Spiegel.de› xewerler tori», tebiiy apetler jumhuriyiti gérmaniyede ilgiri chékidin ashqan dep qaralghan kelkün, boran we orman ot apetlirining bügünki künde normal haletke aylinip qalghanliqini yazdi.

ispaniyede chiqidighan «‹él pais› géziti», ispaniye hökümitining aldimizdiki künlerde jemiy 30455 xizmet orni bilen tarixidiki eng chong ammini xizmetke orunlashturush herikitini bashlash üchün padishahliq qararnamisini testiqlashni  pilanlawatqanliqini xewer qildi.

béruda chiqidighan «‹él komérsiyo› géziti», ispaniye padishahi 6 – félipning ete (2021-yili 27-iyul) pérugha bérip, pirézidéntliqqa saylanghan pédro kastilloning qesem bérish murasimigha qatnishidighanliqini xewer qildi.

argéntinada chiqidighan «‹ Infobae › géziti»,  ispaniyening argéntina, kolombiye we boliwiyedin kelgen yoluchilarni mejburiy karantinagha alidighanliqini xewer qildi.

firansiyede chiqidighan «‹lé figaro›  géziti»,  firansiyeliklerning texminen %60 ning kem dégende bir qétim waksina emletgenlikini  xewer qildi.

firansiyede chiqidighan «‹lé mondé›  géziti» wuxen wirusi waksina karti belgilimisige qarshi seperwerlikning küchiyiwatqanliqini, firansiye miqyasida 161 ming öktichining piyade yürügenlikini xewer qildi.

firansiyening «‹France 24› téléwiziye qanili», tunis pirézidénti qays seidning zorawanliq namayishliridin kéyin bash ministir (hisham el méshshi) ni wezipisidin élip tashlap, parlaméntni tonglitip qoyghanliqini xewer qildi.

rusiyening «‹TASS› agéntliqi, rusiye bash ministiri mixayil mishustinning yaponiyening shimalidiki kuril ariligha qilghan ziyariti sewebidin yaponiyening rusiyege naraziliq bildürgenlikini xewer qildi.

rusiyening «‹RIA Novosti› agéntliqi», rusiye erler walibol komandisining tokyo 2020-yilliq yazliq olimpik tenheriket musabiqisida amérikani 1 ge qarshi 3 netije bilen meghlup qilghanliqini xewer qildi.

rusiyede chiqidighan «‹Rossiyskaya Gazeta› géziti», bénzinning  erzanliqi jehette rusiyening yawropa boyiche ikkinchi orunda turidighanliqini xewer qildi.