08.06.2021

türkiye awazi radiyosi: bélgiyede chiqidighan «löswa géziti» (Le Soir), mesul dairilerning bélgiye paytexti biryussélda 2021-yili 9-iyundin tartip kishiler zich toplishidighan we soda-sétiq kochiliridin bashqa jaylarda maska taqashning pütünley mejbur bolmaydighanliqini uqturghanliqini xewer qildi.

firansiyede chiqidighan «lé mondé géziti»  (Le Monde), ispaniyening wuxen wirusi (Kovid-19) waksinasi emletken sayahetchilerge ishikini échiwétidighanliqini xewer qildi.

iyordaniyede chiqidighan «eddestur géziti», liwanda néfit we éléktir toxtap qélishqa qarshi namayish ötküzülgenlikini xewer qildi.

mezkur gézitte yene, ereb ittipaqining isirailiyeni quddustiki weziyetni keskinleshtürüwétidighan her qandaq herikettin yiraq turush toghrisida agahlandurghanliqini xewer qildi.

ispaniyede chiqidighan «la wangurdiya géziti» (La Vanguardia), ispaniye bash ministiri pédro sanchéz (Pedro Sánchez) bilen katoloniye hökümitining bashliqi péré aragonés (Pere Aragonès) ning, yéngi diyalog we kélishim ramkisi bashlash mesiliside kélishkenliklirini xewer qildi.

gérmaniyening «tagésshaw.dé» tori (Tagesschau.de), gérmaniyede pénsiye yéshining 68 bolushining mumkinlikini, undaq bolmighanda, gérmaniyening iqtisadiy kirizisqa duch kélishi munazirelirining barliqini xewer qildi.

gérmaniyede chiqidighan «frankfurtér rundshaw géziti» (Frankfurter Rundschau), robért koch inistitutining gérmaniyede wuxen wirusi (Kovid-19) gha munasiwetlik weqelerning barghanséri aziyiwatqanliqini xewer qildi.

rusiyening «tas agéntliqi» (TASS), xitayning koréye yérim arili mesiliside rusiye bilen diyalogni kücheytishke teyyar ikenlikini xewer qildi.

rusiyening «riya nowosti agéntliqi», amérika pirézidénti jo baydinning ukraina pirézidénti zélénskiy bilen téléfonda körüshüp, uni bu yil (2021)  yazda washingtongha teklip qilghanliqini xewer qildi.

rusiyening «RBK» téléwiziyesi, rusiyening amérikada turushluq elchixanisining, amérikaning iskandinawiyediki «shimaliy qutub riqabet meshiqi manéwiri» (Arctic Challenge Exercise) gha qatnishishini «ighwagerchilik» dep atighanliqini xewer qildi.