21.05.2021

türkiye awazi radiyosi: gérmaniye awazi radiyosi biyonték waksinasini tetqiq qilip yasighan piroféssor doktor ughur shahinning türkiyege iyun éyi (2021) ning axirighiche 30 milyon waksina, séntebir éyining axirighiche bolsa jemiy 120 milyon waksina sétip béridighanliqlirini éytqanliqini xewer qildi.

gérmaniyede chiqidighan «züddayche zeytung géziti» (Süddeutsche Zeitung), gérmaniye yardem teshkilatlirining wuxen wirusi(Kovid-19) dunya miqyasida chongqurlashturghan acharchiliq mesiliside agahlandurup, xelqaraliq hemkarliqni chaqiriq qilghanliqini xewer qildi.

gérmaniyening «z d f.dé» tori (zdf.de), dunya sehiye teshkilatining bügüngiche testiqlanghan wuxen wirusi waksinalirining, wirusning hemme wariyantlirigha qarshi ünümining yuqiri ikenlikini élan qilghanliqini xewer qildi.

«elquddus elerebi géziti», pelestin tashqi ishlar ministiri riyad el malikining b d t gha xitab qilip: «bezilirimiz bezi pelestinlik aililerning pütünley öltürülüshige jimjit qarap turghan bolsa, bir isirailiyelikning öltürülüshini eyibleshte qandaq beslishiwatqanliqini körüwatimiz» dégenlikini xewer qildi.

«erraye elqatariye géziti», «isirailiyening pelestinliklerge qilghini urush jinayitidur» serlewhiside xewer élan qildi.

firansiyede chiqidighan «lé mondé géziti» (Le Monde), mansh déngizida onlarche musapirning qutquzuwélinghanliqini xewer qildi.

firansiyede chiqidighan «lé figaro géziti» (Le Figaro), firansiyede 31-may (2021) din bashlap wuxen wirusi (Kovid-19) emlesh seperwerlik herikiti dairisining kéngeytilidighanliqini xewer qildi.

firansiyede chiqidighan «lé parisiyin géziti» (Le Parisien), yawropa waksina pasporti mesiliside, yawropa parlaménti ezaliri bilen yawropa ittipaqigha eza döletler otturisida kélishim hasil qilinghanliqini xewer qildi.

chilida chiqidighan «la térséra géziti» (La Tercera), argéntinaliq putbolchi maradonaning ölümige munasiwetlik yette kishining «qesten halda ölümge seweb bolush» jinayiti bilen eyiblengenlikini xewer qildi.

rusiyede chiqidighan «kommérsant géziti» (Kommersant), rusiye pirézidénti wladimir putinning bezi döletlerning sibiriyediki bayliqlarning yalghuz rusiyegila tewe bolushidin biaramliqini tilgha alghanliqigha jawab bérip: «rusiyedin birer parche yuliwalmaqchi bolghanlarning chishini, ikkinchi chishliwalmisun dep töküwétimiz» dégenlikini xewer qildi.

rusiyede chiqidighan «izwéstiya géziti» (İzvestiya), amérika kéngesh palatasining bir guruppa ezalirining, pirézidént baydinning rusiye teripidin yasiliwatqan «2-shimaliy éqim» turuba yoli layihesige qarshi yolgha qoyulghan émbargoni emeldin qaldurush qararini eyiblep, émbargoni qayta yolgha qoyidighan bir qanun teklip layihesini sunghanliqini xewer qildi.