17.05.2021

türkiye awazi radiyosi: qatarda chiqidighan «erraye elqatariyye» géziti, türkiye büyük millet mejlisi (parlaménti) bashliqi mustapa shentopning qatar shurasi bashliqi ehmed elmehmud bilen israiliyening ghezzege qilghan hujumi toghrisida sözleshkenlikini xewer qildi.

pelestin — iyordan deryasining gherbiy qirghiqida neshr qilinidighan «elhayat eljediyde» géziti, ishghalchi israiliye küchlirining ghezzening elwihde kochisida sadir qilghan qetliamida shéhit bolghanlar sanining 37 ge yetkenlikini xewer qildi.

omanda chiqidighan «weten» géziti, ishghaliyetchi israiliyening pelestin zéminliridiki hujumlirida nechche on kishining shéhit bolghanliqini, pelestinlik qarshiliq körsetküchilening israiliyege bashqurulidighan bombilar arqiliq jawab qayturghanliqini yazdi.

gérmaniye awazi radiyosi, gérmaniye daimiy waksina emlesh komitétining,  kéler yilimu wuxen wirusi (kowid – 19) waksinisi emleshning shert ikenlikini otturigha qoyghanliqini anglighuchilirining diqqiitige sundi.

gérmaniyening «züddutch zéytung» géziti, yawropa ittipaqigha eza döletlerning tashqi ishlar ministirlirining pelestin - israiliye jiddiylikini muzakire qilidighanliqini xewer qildi.

gérmaniyening «shpiégél.dé» tori, bayrén miyunxén komandisining 32 yashliq polshaliq hujumchisi robért léwandowiskining bu musabiqe peslide kirgüzgen 40 topi bilen gérd mullérning bir musabiqe peslidiki (1971 - 1972) eng köp top kirgüzüsh rékortini buzup tashlighanliqi toghrisidiki uchurlarni oqurmenlirining diqqitige sundi.

firansiyening «lé figaro» géziti, firansiyede yuqum sewebidin qaza qilghanlar sanining bu yil tunji qétim 100 ning astigha töwenligenlikini yazdi.

firansiyening «lé mondé» géziti, engiliyede 20 milyongha yéqin ademge waksina emlengenliki, bu sewebtin aljiriyening chégrasini qismen échiwétilidighanliqini ilgiri sürdi.

firansiyening «firans-24» xewerler qanili, firansiyede ötküzülgen pelestinni qollash namayishigha minglache kishining qatnashqanliqi toghrisidiki uchurlarni körürmenliri bilen ortaqlashti.

rusiyening «kommérsant» géziti, amérika tashqi ishlar ministiri antoni blinkénning rusiyelik mensepdishi sérgéy lawrow bilen «shimaliy éqin -2» (rus tebiiy gazini gérmaniyege yetküzidighan) toruba liniyesi toghrisida körüshüshni pilanlawatqanliqini yazdi.

rusiyening «tass» xewer agéntliqi, amérika bash konsuli emiy storowning rusiyediki xizmet orni bolghan yékatérinburg shehiridin ayrilghanliqi toghrisidiki uchurlarni oqurmenlirining diqqitige sundi.

rusiyening «tass» xewer agéntliqi, bélarusiye armiyesi muawin bash ishtab bashliqi igor korolning bayanat bérip, yéqindin buyan  shimaliy atlantik ehdi teshkilati — nato bombardimanchi ayropilanlirining rayon asminidin nurghun qétim uchup ötüp, küch körsetkenlikini, natoning bélarusiye we rusiyege hawa hujum qilishni pilanlawatqan bolushining mumkinlikini éytqanliqini xewer qildi.

argéntinaning «infobiya» namliq xewerler tori, rim papasi firansisko (katolik dunyasining meniwi dahiysi)ning israiliye bilen pelestin otturisidiki zorawanliqning küchiyishining ölüm we buzghunchiliq dolquni peyda qilish mumkinchiliki barliqini éytip agahlandurghanliqini ilgiri sürdi.

ispaniyening «El Confidencial» tori, chili saylimda musteqilliq terepdarliri bilen öktichilerning %80 köp sanliqini qolgha keltürgenlikini xewer qildi.

argéntinaning «él klarén» géziti, argéntina pirézidénti albérto férnandézning: «men xelqara pul fondi teshkilati bilen baldurraq kélishim hasil qilishni xalaymen, mesile uning qandaq bolidighanliqida» dégen sözlirini oqurmenliri bilen ortaqlashti.