02.04.2021

türkiye awazi radiyosi: firansiyening «lé mondé» géziti, firansiyening üchinchi kowid – 19 karantin dewrige qedem qoyghanliqini, iqtisadning yene bir zerbige uchrighanliqini ilgiri sürdi.

shiwéytsariyening «lé témps» géziti, shiwéytsariyede wuxen wirusi (kowid – 19) ning bir hepte ichide %20 éship ketkenliki toghrisidiki uchurlarni oqurmenlirining diqqitige sundi.

firansiyening «firans-24» xewerler qanili, firansiye parlaméntining pirézidént émanuél makron élan qilghan kowid – 19 yéngi tedbirlirini testiqlighanliqi toghrisidiki melumatlarni körürmenliri bilen ortaqlashti.

Wirtschaftswoche géziti, robért koch institutining, kowid – 19  engliye türining nisbitining %90 ke yetkenlikini otturigha qoyghanliqini yazdi.

awstriyede chiqidighan «Die Presse» géziti, afriqada 40 qa yéqin özgirish hasil qilghan wuxen wirusi türining bayqalghanliqini ilgiri sürdi.

gérmaniyening «firankfortér algéméyn zéyitung» géziti, bash ministir angéla mérkélning puqralarni paskal bayrimida sayahet qilmasliqqa chaqirghanliqini xewer qildi.

eljezire qanili, b d t xewpsizlik kéngishining bérmada yüzligen puqraning öltürülüshini «küchlük shekilde» eyibligenlikini xewer qildi.

eljezire qanili yene, seudi erebistan tashqi ishlar ministiri shahzade faysal bin farhanning: «israiliye bilen normallishish bu rayongha zor payda élip kélidu, uning muweppeqiyiti pelestin mesilisini hel qilinishigha baghliq» dégen sözlirini körürmenliri bilen ortaqlashti.

qatarda chiqidighan «erraye elqatariyye» géziti, birleshken döletler teshkilatining liwiyede hafterge qarashliq 120 jengchining qoyup bérilishidin memnun bolghanliqini uqturghanliqini xewer qildi.

iyordaniyede chiqidighan «eddustur» géziti, ereb elliri ittipaqining ottura sherqtiki saqliniwatqan mesililer we kirizislarni siyasiy yol bilen hel qilishning zörülükini mueyyenleshtürgenliki toghrisidiki uchurlarni oqurmenlirining diqqitige sundi.

ispaniyening «él pais» géziti, ispaniye saqliqni saqlash xadimlirining bir künde 306,000 din artuq waksina emlesh arqiliq dölet rékortini buzup tashlighanliqini xewer qildi.

ispaniyening «él mundo» géziti, ispaniyede hamildarliq mezgilide waksina emlengen bir ayalning wirusqa qarshi antitélaliq bowiqining dunyagha kelgenlikini yazdi.

wénézuélada chiqidighan «télésur» géziti, wénézuéla dölet mudapie ministirliqining, kolumbiye chégrasidiki qoralliq guruppilar bilen xewpsizlik küchliri otturisida yéngidin toqunush yüz bergenlikini uqturghanliqini xewer qildi.

rusiyening «tass» xewer agéntliqi,  amérikaning «künlerning biride» rusiyediki barliq diplomatik orunlirini qaytidin échishini ümid qilidighanliqini ilgiri sürdi.

rusiyening «ria nowosti» agéntliqi, ukrainaning, rusiye bilen toqunushup qalghan teqdirde, amérikaning özige yardem bérishke kapaletlik qilghanliqini uqturghanliqini yazdi.

rusiyening «lénta.ru» xewerler tori, rusiye fédératsiye bixeterlik idarisining daéshning twér rayonidiki térrorluq hujumining aldini alghanliqi toghrisidiki uchurlarni oqurmenlirining diqqitige sundi.