15.02.2021

türkiye awazi radiyosi: qatarda chiqidighan «erraye elqatariyye» géziti, 12 milyon 400 ming süriyelikning yémeklik yétishmeslikke duch kelgenlikini xewer qildi.

omanda chiqidighan «weten» géziti, wuxen wirusi (kowid – 19) waksinasining amérika qoshma ishtatliridiki dorixanilarda sétilidighanliqini xewer qildi.

liwanda chiqidighan «musteqbel» géziti, amérika mudapie ministirliqining «rayondiki (ottura sherqtiki) eskerlirining iranni tehditige taqabil turalaydighanliqini élan qilghanliqi toghrisidiki uchurlarni oqurmenlirining diqqitige sundi.

firansiyening «lé mondé» géziti, firansiyede kowid – 19 bilen birlikte (xizmet ornida) kompyutér aldida olturup chüshlük tamaq yéyishke qaytidin yol qoyulidighanliqini ilgiri sürdi (eskertish: firansiyede xizmet üstilide tamaq yéyish meni qilinghanidi).

firansiyening «lé figaro» géziti, firansiyediki yémeklik bankiliridin menpeetlengüchilerning yérimining bir yilgha yetmigen waqit ichide bu yardemge iltimas qilghanliqini xewer qildi (eskertish: firansiyediki yémeklik bankiliri iqtisadiy ehwali yaxshi bolmighan kishilerge yémeklik yardimi béridu).

firansiyening «lé parisién» géziti: parizhda bir anining bowiqi birlikte turuwatqanda hujumgha uchrishining küchlük naraziliq peyda qilghanliqini, puqralar xizmetlirige mesul dölet ishliri ministiri marlén shyappa  we ichki ishlar ministiri gérald darmaning hujumgha naraziliq bildürgenlikini yazdi.

ispaniyening «él pais» géziti, bu yekshenbe katoloniye rayonida ötküzülgen saylamda bölgünchilerning yéngidin kücheygenlikini ilgiri sürdi.

ispaniyening «él mundo» géziti, kataloniyediki saylamlarda bölgünchilik terepdari bolmighan kataloniye sotsiyalistik partiyeliri bélet sani jehette birinchilikke érishken bolsimu, emma musteqilliq terepdarlirining mutleq ornini saqlap qalghanliqi toghrisidiki uchurlarni oqurmenlirining diqqitige sundi.

wénézuélada chiqidighan «él nasional» géziti, wénézuélaning tunji türküm rus sputnik V waksinasigha ige bolghanliqini yazdi.

gérmaniyening «tagésshaw.dé» tori, gérmaniye bash ministiri angéla mérkélning toqquz adem qaza qilghan xanawdiki hujumning xatire künidin ilgiri, birlikte yashashni xalaydighan barliq kishilerni irqchiliq öchmenlikige qarshi hemkarlishishqa chaqirghanliqini xewer qildi.

rusiye «gazeta.ru» tori, rusiye herbiy emeldarliri bilen layiheligüchilirining bashqurulidighan bomba hujumini aldin mölcherliyeleydighan agahlandurush sistémisini sinaq qilish xizmetlirini tamamlighanliqini yazdi.

rusiyening «lénta.ru» xewerler tori, rusiye 15 - féwral düshenbe künidin bashlap wuxen wirusi sewebidin toxtitilghan ezerbeyjan we erméniye hawa qatnishini eslige keltüridighanliqini xewer qildi.

rusiyening «wésti.ru» tori, tunji qétim engliyede bayqalghan yuqumning özgirish yasighan yéngi türige diyagnor qoyush apparatining dunyada birinchi bolup rusiyede tizimgha élinghanliqi toghrisidiki uchurlarni oqurmenlirining diqqitige sundi.