08.11.2019

türkiye awazi radiyosi: seudi erebistanda chiqidighan «eshsherq elewsat géziti», iraq hökümitining baghdadtiki namayishlarni kontrol astigha élish tirishchanliqlirining nurghun kishining jénidin ayrilishigha seweb bolghanliqini xewer qildi.

qatarda chiqidighan «elraya elqatariyya géziti», amérikada chiqidighan «niyuswik zhurnili» (Newsweek) ning, iraqta hökümet tarqalsimu emma, ichki urush yüz bermeydighanliqi toghrisida maqale élan qilghanliqini xewer qildi.

mezkur gézit yene, térrorluq teshkilati daéshning öltürülgen kattibéshi baghdadining qérindishi bilen ayalining türkiye xewpsizlik tarmaqliri teripidin tutulghanliqini xewer qildi.

ispaniyede chiqidighan «él pais géziti» 10-noyabir muddettin burun saylam ötküzülidighanliqini élan qildi.

chilida chiqidighan «la térséra géziti» (La Tercera), chili hökümitining namayishlarni kontrol astigha élishta qiyiniliwatqanliqining sewebliri toghrisida maqale élan qildi.

firansiyede chiqidighan «lé mondé géziti» (Le Monde), 2018-yili noyabirdin 2019-yili iyun éyighiche 3000 din artuq kishining qamaqqa höküm qilinghanliqini xewer qildi.

firansiyede chiqidighan «lé parisiyin géziti» (Le Parisien), yaghliq chegken ayallarni «xallowén jadigerliri» (Halloween ) ge oxshatqan kéngesh palata ezasining jazagha uchrimighanliqini xewer qildi.

gérmanye awazi radiyosi süriyede tutup turuluwatqan daéshchilarning yéngi xeter ikenlikini xewer qildi.

gérmaniyede chiqidighan «di wélt géziti» (Die Welt), mérkélning firansiye pirézidénti makrongha naraziliq bildürüp, «nato bixeterlikimizning asasi» dégenlikini xewer qildi.

gérmaniyening «z d f» téléwiziyesi (ZDF), amérika tashqi ishlar ministiri mayk pompéyoning gérmaniyege ziyaret qilish üchün yétip kelgenlikini élan qildi.

rusiyede chiqidighan «riya nowosti géziti» (Ria Novosti), rejep tayyip erdoghanning el baghdadining etrapidiki 13 kishining tutulghanliqini élan qilghanliqini xewer qildi.

rusiyening «tas agéntliqi», rusiye tik ucharlirining süriyede her küni charlash élip baridighanliqini xewer qildi.