10.04.2019

türkiye awazi radiyosi: seudi erebistanda chiqidighan «elsherq elewsat géziti» (Alsharq Alawsat), pelestinning isirailiye saylimini tenqid qilip, «tinchliqni ret qilish» dep baha bergenlikini iewer qildi.

qatarda chiqidighan «elraya el qatariyya géziti» (Al-Raya Al-Katariya), washington hökümitining, misir rusiyedin urush paraxoti sétiwalghan teqdirde émbargo yürgüzülidighanliqini bildürüp tehdit salghanliqini xewer qildi.

liwanda chiqidighan «elhayat géziti», misir pirézidéntining amérika pirézidénti tramp bilen ottura sherq weziyitini muzakire qilghanliqini xewer qildi.

«t-onlayn tor béti» (T-Online), türkiye jumhur reisi rejep tayyip erdoghanning rusiye pirézidénti putin bilen körüshkenlikini we rusiye bilen qoral kélishimi tüzüsh mesiliside bésimni qobul qilmaydighanliqini xewer qildi.

gérmaniyening «stérn zhurnili» (Stern), engliye bash weziri tirésa méyning gérmaniye bash ministiri mérkéldin yardem telep qilghanliqini xewer qildi.  

shiwéytsariyede chiqidighan «lé témps géziti» (Le Temps), xitayni hésabqa almighanda, dunyada ölüm jazalirining aziyiwatqanliqini élan qildi.

firansiyede chiqidighan «lé mondé géziti» (Le Monde), 2018-yilida firansiyege rékort sewiyede sayahetchi kelgenlikini xewer qildi.

firansiyede chiqidighan «lé parisyén géziti»  (Le Parisien), muzluqlarning érishining déngiz yüzi sewiyesini téz sürette kötürüwatqanliqini xewer qildi.

wénézuélada chiqidighan «télésur géziti» (Telesur), boliwiye pirézidénti éwoning özara hemkarliqqa tayanghan hemkarliqlarni kücheytish üchün türkiyeni ziyaret qilghanliqini xewer qildi.

ispaniyede chiqidighan «él komérkiyo géziti» (El Comercio), wénézuélada yéngi yüz bergen tok kétish hadisisining, paytext karakas we bashqa nurghun ishtatni qarangghuluqta qoyghanliqini élan qildi.

boliwiyede chiqidighan «opinyin géziti» (Opinión), boliwiye pirézidénti éwo moralés (Evo Morales) ning türkiye elchixana échilidighanliqini élan qilghanliqini we 500 milyon dollarliq soda kélishimi tüzüshni pilan qilghanliqini xewer qildi.

rusiyening «tas agéntliqi» (TASS), amérika tashqi ishlar ministiri mayk pompéyoning golan égizliki we qirim yérim arili mesililirining bir-birige oxshimaydighanliqini éytqanliqini xewer qildi.

rusiyede chiqidighan «kommérsant géziti» (Kommersant’), hindistanning yene rusiyedin bir qanche yüz dane «T-90» tipliq tanka sétiwélishi mumkinlikini élan qildi.

rusiyening «riya nowosti agéntliqi» (RİA Novosti’), rusiye bixeterlik shirkiti kaspérsky (Kaspersky’) ning ottura sherqte bir siyasiy siber jasosluq pilanini otturigha chiqarghanliqini xewer qildi.