چین میں شدید بارشیں 21 افراد ہلاک

چین کے شہر شیان میں شدید بارشوں کے بعد مٹی کا تودہ گرنے سے 21 افراد ہلاک ہوگئے۔

خبر کے مطابق، چینی صوبے شانژی کے شہر شیان میں شدید بارشوں نے نظام زندگی کو شدید متاثر کیا ہے۔

چینی میڈیا کا کہنا ہےکہ شدید بارشوں کے بعد مٹی کا تودہ گرنے سے 21 افراد ہلاک ہوگئے جب کہ 6 افراد لاپتہ ہیں۔

حکام کا کہنا ہےکہ مٹی اورکیچڑ تلے دبے مزید 6 افراد کی تلاش جاری ہے، مٹی کے تودے کی زد میں آنے والے 2 مکانات مکمل تباہ ہوگئے۔

بتایا گیا ہے کہ  علاقے میں 900 سے زائدگھروں کو بجلی کی فراہمی بھی معطل ہوگئی ہے۔

حکام کی جانب سے علاقے میں   امدادی  سرگرمیاں جاری ہیں تاہم بارش کے باعث مشکلات کا سامنا کرنا پڑ رہا ہے۔