چین: امریکہ کی چال کو منہ کی کھانی پڑے گی، ہم بھی مقابل تدابیر اختیار کریں گے

امریکہ کے، سن 2022 میں چین کے دارالحکومت بیجنگ میں متوقع، موسمِ سرما اولمپکس کھیلوں کے سفارتی بائیکاٹ کے فیصلے پر چین کی طرف سے ردعمل کا اظہار کیا گیا ہے۔

سپٹنک خبر رساں ایجنسی کے مطابق چین انتظامیہ نے ان خطاوں کے بدل کے معاملے میں امریکہ کو متنبہ کیا اور کہا ہے کہ ہم بھی اس فیصلے کے مقابل تدابیر اختیار کریں گے۔

چین نے، امریکہ کی طرف سے، انسانی حقوق کی خلاف ورزی کو وجہ دکھا کر، 2022 میں دارالحکومت بیجنگ میں متوقع موسم سرما اولمپکس کھیلوں کے لئے سفارتی وفد نہ بھیجنے کے اعلان کا جواب دیا ہے۔

چین وزارت خارجہ کے ترجمان زاو لیجیان نے منعقدہ پریس کانفرنس میں کہا ہے کہ امریکہ موسمِ سرما اولمپکس کھیلوں کو نقصان پہنچانے کی کوشش کر رہا ہے لیکن اس کی یہ کوشش خود اس کے اعتبار کو نقصان پہنچا رہی ہے۔

زاو نے کہا ہے کہ سفارتی بائیکاٹ کا فیصلہ دو طرفہ ڈائیلاگ اور اہم شعبوں میں باہمی تعاون کو نقصان پہنچا سکتا ہے۔ امریکہ کی اس چال کو منہ کی کھانی پڑے گی۔ امریکہ کو ان غلطیوں کا بدل چُکانا پڑے گا ہم بھی اس کے مقابل قوی تدابیر اختیار کریں گے۔