طالبان نے شعبہ صحت سے منسلک خواتین کو اپنے کام کو لوٹنے کی اپیل کردی

طالبان نے افغانستان میں شعبہ صحت میں خدمات سرانجام دینے والی خواتین سے اپنے کام کو لوٹنے کی  اپیل کردی۔ 

طالبان کے ترجمان ذبیح اللہ مجاہد  نے اپنی ٹویٹ میں کہا ہے کہ وزارت صحت سے منسلک تمام خواتین کو مطلع کیا جاتا ہے کہ مرکز اور صوبوں میں اپنی اپنی  ذمہ داریاں دوبارہ سے سنبھال لیں۔

ان کا کہنا تھاکہ طالبان کی جانب سے خواتین کے کاموں میں کوئی رکاوٹ نہیں ڈالی جائے گی۔

خیال رہے کہ اس سے قبل بھی طالبان نے خواتین کو مختلف شعبوں میں کام کرنے کی اجازت دینے کا اعلان کررکھا ہے۔

گزشتہ روز بھی کابل ائیرپورٹ دھماکے میں امریکی فوجیوں سمیت 100 سے زائد افراد ہلاک ہوئے جبکہ متعدد زخمی ہیں۔

اس دھماکے کے بعد کابل کے اسپتالوں میں ایمرجنسی نافذ ہے۔