BSGG Gaza Üçin Çagyryş Edýär
Bütindünýä saglygy goraýyş guramasynyň Dolandyryjylar geňeşi Gaza sektoruna yzgiderli we bökdençsiz ynsanperwer kömek geçişi” üçin çagyryş edilýän karar taslamasyny bir agyzdan kabul etdi.
BSGG-nyň Dolandyryjylar geňşine girýän 34 ýurt, Palestina degişli basylyp alynan ýerlerdäki saglyk ýagdaýy boýunça Dolandyryjylar geňeşiniň ýörite maslahatyna gatnaşdylar.
Maslahatda geçirilen sese goýulşykda Gaza Sektoruna “Agyssagly, yzgiderli we bökdençsiz ynsanperwer kömek geçirişi” üçin çagyryş edilýän karar taslamasy bir agyzdan kabul edildi.
Owganystan, Marokko, Katar we Ýemen tarapyndan hödürlenen karar taslamasynda asuda ilatyň derman we lukmançylyk enjamlary bilen üpjün edilmegi hem-de olaryň üstüniň ýetirilmegi, azatlyklaryndan mahrum edilen ähli adamlaryn lukmançylyk bejergisine elýeterliliginiň ýola goýulmagy talap edilip, Gaza Sektorunandan çykyş rugsadynyň berilmegi üçin çagyryş edilýär.
BMG-niň Howpsuzlyk geňeşinde 8-nji dekabrda geçirilen sese goýulşykda Gaza Sektorunda hüjümleriň gyssagly bes edilmegi üçin çagyryş edilýän karar taslamasyny weto eden ABŞ, BSGG-nyň kararynyn tekstine garşy durmady, emma “möhüm belliklerinin” bardygyny beýan edip, “deňagarmlylygyň pesligine gynanç bildirýändigini” beýan etdi.
Degişli Habarlar
Russiýa Britaniýanyň Harby Attaşesini Ýurtdan Çykarar
Bu barada Russiýanyň Daşary işler ministrligi ýazmaça beýannama berdi.
