یوخو و حس ائدیلن یاش آراسینداکی باغلانتی آراشدیریلدی
سوئدده‌کی کارولینسکا اینستیتوسوندان آراشدیرماچیلار، یئترلی یوخونون و یوخوسوزلوغون، حس ائدیله‌ن یاشلا باغلانتیسینی آراشدیردی
بیر آی بویو یئترلی قدر یاتابیلنلرین، اولدوقلاریندان تخمیناً ۶ یاش گنج حس ائتدیکلری معین اولوندو.
سوئدده‌کی کارولینسکا اینستیتوسوندان آراشدیرماچیلار، یئترلی یوخونون و یوخوسوزلوغون، حس ائدیله‌ن یاشلا باغلانتیسینی آراشدیردی.
آراشدیرما چرچیوه‌سینده، ۱۸-۷۰ یاشلارینداکی ۴۲۹ نفرله ائدیله‌ن ایلک چالیشمادا، شخصلره سون بیر آی ایچینده نئچه گئجه یوخولاریندان وئریم آلابیلمه‌دیکلری و یوخولارینی تام آلابیلمه‌دیکلری گونلرده اؤزلرینی نئچه یاشیندا حس ائتدیکلری سوروشولدو.
الده ائدیله‌ن بیلگیلر، پسیکولوژیک آراشدیرمالاردا ایستیفاده ائدیله‌ن استاندارد اؤلچه‌گه گؤره دگرلندیریلدی.
بیلیم اینسانلاری، ایلک چالیشمانین نتیجه‌سینده، شخصلرین یوخولارینی تام آلابیلمه‌دیکلری هر گون اوچون ۳ آی یاشلی حس ائدرکه‌ن سون ۱ آی بویونجا یوخولارینی تام آلانلارین تخمیناً ۶ یاش گنج حس ائتدیکلرینی بیلدیردی.
ایکینجی چالیشمادا ایسه ۱۸-۴۶ یاشلارینداکی ۱۸۶ کؤنوللونون، آرخا آرخایا ایکی گون بویو ۴ ساعات یاتدیقلاریندا نئچه یاشیندا حس ائتدیکلری آراشدیریلدی.
آراشدیرمالار نتیجه‌سینده، آرخا آرخایا ایکی گون بویو یالنیز ۴ ساعات یاتان کؤنوللولرین تخمیناً ۴،۵ یاش داها یاشلی حس ائتدیکلری معین ائدیلدی.
آراشدیرماچیلار، سحرلر اویاق اولماغی سئوه‌نلر ایله گئجه‌لری اویاق اولماغی سئوه‌نلرین یوخوسوزلوغا وئردیگی تپکینین دا دییشدیگینی گؤزلمله‌دی.
سحر اینسانلارینین یوخوسونو آز آلدیغی زامانلاردا گئجه اینسانینا گؤره اؤزلرینی داها یاشلی حس ائتدیکلری، ۹ ساعاتلیق یوخولارینی آلدیقلاریندا ایسه داها گنج حس ائتدیکلری اورتایا چیخدی.
آراشدیرمانین مقاله‌سی، "Proceedings of the Royal Society B" درگیسینده یاییملاندی.
