کنگو جمهوریتینده ام‌پاکس اپیدمیسی اعلان ائدیلیب

کنگو جمهوریتینده پایتخت برازاویل‌ ده داخیل اولماقلا 5 بؤلگه‌ده ام چیچگی (ام‌پاکس) خسته‌لیگینین آشکارلانماسیندان سونرا اپیدمی اعلان ائدیلیب.

ساغلیق ناظیری گیلبرت موکوکی آچیقلاماسیندا اؤلکه‌ده 19 ام‌پاکس خسته‌سی قیده آلیندیقدان سونرا اپیدمی اعلان ائدیلدیگینی آچیقلاییب.

ایندییه قدر هئچ بیر اؤلوم حالینین قیده آلینمادیغینی وورغولایان موکوکی، توپلومو شوبهه‌لی حاللاردان و حیوانلارلا یاخین تماسدان قاچماغا چاغیریب.

آندمیک ویروسون یاراتدیغی نادیر خسته‌لیکلردن بیری کیمی تانینان ام‌پاکس خسته‌لیگینین کنگو و باتی آفریقا نوولری اولاراق ایکی فرقلی تورو واردیر.

عمومیتله حیواندان اینسانا، نادیر حاللاردا ایسه اینساندان اینسانا یاخین تماس یولو‌ ایله کئچن ویروس بدنده یوکسک حرارت و قاشینما قابارجیقلارینا سبب اولا بیلر.

28 نوامبر 2023-جو ایلده عموم‌دونیا ساغلیق تشکیلاتی دامغالانما و عرقچیلیق ایله باغلی ناراحاتلیقلاری اساس گتیره‌رک ویروسون "مئیمون چیچگی" عوضینه " ام‌پاکس" آدلاندیریلدیغینی آچیقلادی.