آشیلاما سون ۵۰ ایلده ۱۵۴ میلیون حیات قورتاردی
"گئنیشلدیلمیش آشیلاما پروگرامینین ۱۹۷۴دن بو یانا ان آز ۱۵۴ میلیون حیات قورتاردیغی تخمین ائدیلیر. بو دا سون ۵۰ ایلده آشیلاماقلا گۆده ۸ مین و ساعاتدا ۶ حیات قورتاریلدیغی دئمکدیر"
کۆره‌سل آشیلاما/واکسیناسیون چابالاری ایله سون ۵۰ ایلده ۱۵۴ میلیون حیات قورتاریلدیغی تخمین ائدیلیر.
دۆنیا ساغلیق هؤرگوتو باش کاتیبی تدروس آدهانوم گبریسوس، هفته‌لیک مطبوعات توپلانتیسیندا، آشیلار سایه‌سینده چیچک خسته‌لیگینین اورتادان قالدیریلدیغینی، بیر زامانلار قورخولان قیزیلجا و ستلجه‌م کیمی بیر چوخ راحاتسیزلیغین آرتیق راحاتجا اؤنله‌نه‌بیلدیگینی ایفاده ائتدی.
دونیادا اوشاقلارین یوزده ۸۴ونه دیفتری، تتانوس/کزاز و بوغماجا (گؤیؤس‌کۆرک/قارا اؤکسوروک)یا قارشی اوچ دوز آشی وورولدوغونو ایفاده ائدن گبریسوس، دۆنیا ساغلیق هؤرگوتونون گئنیشلدیلمیش آشیلاما پروگرامینی باشلاتدیغی ۱۹۷۴ده ایسه دوۆنیادا‌کی کؤرپه‌لرین یوزده ۵یندن آزینین آشیلاندیغینی خاطیرلاتدی.
گئنیشلدیلمیش آشیلاما پروگرامینین اؤلکه‌لری چیچک و دیگر خسته‌لیکلره قارشی استانداردلاشدیریلمیش آشی پروگراملاری اولوشدورما قونوسوندا دستکله‌دیگینی دیله گتیره‌ن گبریسوس،
"گئنیشلدیلمیش آشیلاما پروگرامینین ۱۹۷۴دن بو یانا ان آز ۱۵۴ میلیون حیات قورتاردیغی تخمین ائدیلیر. بو دا سون ۵۰ ایلده آشیلاماقلا گۆده ۸ مین و ساعاتدا ۶ حیات قورتاریلدیغی دئمکدیر" دئدی.
آشیلاما سایه‌سینده بو گون دوغولان بیر اوشاغین ۵.جی یاشینی گؤرمه احتیمالینین، ۵۰ ایل اؤنجه دوغولان بیر اوشاغا گؤره یوزده ۴۰ آرتدیغینی ایضاح ائدن گبریسوس،
دونیا لیدئرلرینه، آشیلاری و حیات قورتاران محصوللاری تامین ائدن آشیلاما پروگراملارینی دستکله‌مه و مالیه‌لشدیرمه چاغریسی ائتدی.
ایلگیلی‌لی خبرلر
تهلوکه‌لی ایستیلیکدن بعضی مکتبلرده تحصیل دایاندیریلیب
تاریخین ان ایستی آوریل آیی هیندیستاندا یاشانیپ، ایستیلر سببیندن 9 نفر اؤلوب
