ژاپندا پهریز غذا مکملی قبول ائدن 2 نفر اؤلوب
ترکیبینده قیرمیزی دویو مایاسی اولان ”بئنی-کوژی“ قبول ائدن 100-دن چوخ آدام خستهخانایا یئرلشدیریلیب
ژاپندا ”بئنی-کوژی“ پهریز غذا مکملی قبول ائدن 2 نفر اؤلوب، 100-دن چوخ اینسان ایسه خستهخانایا یئرلشدیریلیب.
ساغلیق ناظرلیگی، محصولو ایشلدن ایکی نفرین اؤلدویونو، اؤلومون دقیق سببینین معینلشدیریلمهسی ایستقیامتینده آراشدیرمالارین داوام ائتدیگینی آچیقلاییب. اؤلنلردن بیرینین سؤزوگئدن محصولو 2021-جی ایلین آوریلیندن 2024-جو ایلین فوریهسینه قدر ایشلتدیگی معین ائدیلیب.
کوبایاشی فارماسوتیکال شیرکتیندن وئریلن معلوماتا گؤره، ترکیبینده قیرمیزی دویو مایاسی اولان ”بئنی-کوژی“ قبول ائدن 100-دن چوخ آدام خستهخانایا یئرلشدیریلیب.
خستهلرین اکثریتینین ”بؤیرک خستهلیگیندن“ شیکایت ائتدیگی بیلدیریلیب.
ژاپن شیرکتی سؤزوگئدن محصولو بازاردان گئری چکمیه قرار وئردیگینی آچیقلاییب.
ساغلیق ناظرلیگی، همچنین بو برندین تخمیناً 6 مین محصولوندا تعجیلی "ساغلاملیغا ضررلی" یوخلامالار آپاراجاق.