اردوغان سئل بؤلگه‌سینه گئتدی
اردوغان، سئل‌ده ۶ وطنداشین حیاتینی ایتیردیگینی، ۵ینین یارالاندیغینی، ایتن ۲ نفری تاپماق اوچون بؤیوک چابا گؤستریلدیگینی سؤیله‌دی
جمهورباشقانی رجب طیب اردوغان، ۶ نفرین جان وئردیگی سئل‌دن تأثیرلنه‌ن ریزه‌ده، ایلک آشاما‌دا ۵۰۰ ائو تیکه‌جکلرینی بیلدیردی.
اردوغان، شدتلی یاغیشلا بیرلیک‌ده سئلین ووردوغو آرتوین و ریزه‌ده آراشدیرمالار آپارماق اوزره بؤلگه‌یه گئتدی.
ریزه‌نین گونئی‌سو بؤلگه‌سینده جمعه نامازی سونراسی خالقا سسلننن اردوغان، سئل‌ده ۶ وطنداشین حیاتینی ایتیردیگینی، ۵ینین یارالاندیغینی، ایتن ۲ نفری تاپماق اوچون بؤیوک چابا گؤستریلدیگینی سؤیله‌دی.
اردوغان، سئل فاجعه‌سین‌ده حیاتینی ایتیره‌نلره الله‌دان رحمت، عائله و سئوه‌نلرینه صبیرلر دیله‌دی.
فاجعه خبرینین آلیندیغی آندان اعتباراً دؤولتین بوتون ایمکانلارینی سفربر ائتدیگینی وورغولایان اردوغان، ریزه‌ده ۳۲۸ی آختارما قورتارما پرسونلی اولماق اوزره توپلام ۲ مین ۸۶۰ پرسنل و ۷۰۵ آراجین وظیفه یئرینه یئتیردیگینی، فاجعه‌دن اؤترو باغلانان ۴۲۶ یولون هامی‌سینین نقلیاتا آچیلدیغینی، ایچمه سویو، انرژی و خبرلشمه‌ده هر هانسی بیر چتینلیگین یاشانمادیغینی ایضاح ائتدی.
سئل‌دن ضرر گؤره‌نلره لازیم اولان کؤمکلرین ائدیلمه‌یه باشلاندیغینی بیلدیره‌ن اردوغان، ایلک آشاما‌دا ریزه‌ده ۱۵ جولایداکی سئل فاجعه‌سین‌دن تأثیرلنه‌نلر اوچون ۵۵۰ ایقامتگاه تیکه‌جکلرینی بیلدیردی.
اردوغان،
"سئل‌دن تأثیرلنه‌ن ریزه‌لی آرتوین‌لی قارداشلاریمیز راحات اولسون. دؤولتیمیز بوتون ایمکانلارییلا اونلارین یانین‌دادیر" دئدی.
