ایکی دوز واکسن وورولانلارین ساییسی ۱۵ میلیونو گئچدی
آلیش وئریش مرکزلری، هاوالیمانلاری، قاتار و اتوبوس دوراقلاری کیمی توپلومون قالابالیق اولدوغو یئرلرده ده آشی خیدمتی وئریلیر
1666836
تورکیه‌ده یئنی نسیل کوروناویروس (کووید-۱۹) ایله مبارزه‌‌ده ایکی دوز آشی وورولانلارین ساییسی ۱۵ میلیونو گئچدی.
"کووید-۱۹ آشیسی ملی اویقولاما استراتژیسی" چرچیوه‌سین‌ده ان سون ۱۸ یاشینی دولدوران هر کس اوچون آشی باشلارکه‌ن، آلیش وئریش مرکزلری، هاوالیمانلاری، قاتار و اتوبوس دوراقلاری کیمی توپلومون قالابالیق اولدوغو ساحه‌لرده ده یئرینده آشی خیدمتی وئریلیر.
وطنداشلار، سینوواک و بیوان‌تک آشیلارین‌دان ایسته‌دیگینی سئچه‌بیلیر.
ساغلیق باخانلیغینین "covid19asi.saglik.gov.tr" آدرسینده یئر آلان آنلیق بیلگیلرینه گؤره، ۲۹ ژوئن تورکیه ساعاتی ایله ۱۵.۰۷ اعتبارییلا بیرینجی دوز آشی وورولانلارین ساییسی ۳۳ میلیون ۹۲۷ مین ۳۹۴، ایکینجی دوز وورولانلارین ساییسی ایسه ۱۵ میلیون ۳ مین ۸۷۲ اولدو.
بئله‌جه توپلام دوز ساییسی، ۴۸ میلیون ۹۳۱ مین ۲۶۶ اولدو
