دونیادا وورولان کورورنا آشیسی دوزو آچیقلاندی
ان یوکسک دوز آشینی اویقولایان ۷.جی اؤلکه اولان تورکیهده، ۱۶ میلیوندان چوخ دوز آشی وورولماسی ایله جمعیتین یوزده ۱۰ونون آشیلاندیغی ایفاده ائدیلدی
دونیادا ۶۵۸ میلیوندان چوخ دوز یئنی نسیل کوروناویروس (کووید-۱۹) آشیسی وورولدو.
کووید-۱۹ سالقینینا قارشی ائدیلهن آشیلاما ایله باغلی حاضرلانان راپورلارا گؤره، ۱۵۱ اؤلکهده توپلام ۶۵۸ میلیوندان چوخ دوز آشی وورولدوغو و دونیا جمعیتینین یوزده ۴،۳ونون واکسینه ائدیلدیگی آچیقلاندی.
تورکیه، ان یوکسک دوز آشی ووران اؤلکهلر آراسیندا ۷.جی سیرادا یئر آلدی.
اؤلکهلرین رسمی وب سایتلاریندان و رسمی آچیقلامالاریندان سالقینا باغلی معلوماتلاری آنالیز ائدن بلوومبرگ، دونیادا داغیدیلان و اویقولانان آشی دوزلارینین راپورونو حاضرلادی.
راپوردا، دونیاداکی گوندهلیک آشی اویقولاما نیسبتینین اورتالاما ۱۶،۵ میلیون دوز اولدوغو بیلدیریلدی.
کووید-۱۹ آشی راپورونا گؤره، اؤلکهلرین تطبیق ائتدیگی دوزا گؤره ائدیلهن سیرالامادا لیستین ان باشیندا آمریکا، چین و آوروپا بیرلیگی اؤلکهلری یئر آلارکن، بونلاری هیندیستان، اینگیلتره، برزیل و تورکیهنین ایزلهدیگی قید ائدیلدی.
اؤلکهلرین آشی دوزو اویقولاما سیراسینا گؤره راپوردا ان یوکسک دوز آشینی اویقولایان ۷.جی اؤلکه اولان تورکیهده، ۱۶ میلیوندان چوخ دوز آشی وورلماسی ایله جمعیتین یوزده ۱۰ونون آشیلاندیغی ایفاده ائدیلدی.
آلمانیا، اندونزی و فرانسانین ایسه سیرالامادا ایلک ۱۰دا یئر آلدیغی بیلدیریلدی.