Törkiyä milli saqlanu ministrlığı İzrail belän bäyläneşe bulmawın belderde

Törkiyä milli saqlanu ministrlığı İzrail belän xärbi belem birü, künekmä häm saqlanu sänäğaten dä kertep bernindi êşçänlekläreneñ bulmawın belderde. Ministrlıqtan yasalğan belderüdä mondıy yullar bar: “Härwaqıt Fälästin yanında bulğan Törkiyä cömhüriyäteneñ fälästinlelärgä zıyan salaçaq ğamäl başqaruı yäisä şundıy êşçänlektä qatnaşuı mömkin tügel”.

Ministrlıqtan yasalğan belderüdä İzrailneñ Ğazzädä xastanä, mäktäp, ğıybadätxanä, möhacir lagerı häm grajdanlılarnı maqsat itep aluçı höcümnäreneñ däwam itüe assızıqlana.