“TRT İspança” säxifäse açıldı
Matbuğat sammitınıñ ikençe köne TRT ğomum mödire räislegendä uzdı
Törkiyäneñ tawışın bar dön’yağa citkerüne maqsat itüçe Törkiyä teleradiokompaniyase TRT TRT World, TRT Ğaräpçä, TRT Rusça, TRT Nemeśça, TRT Franśuzça, TRT Balkan häm TRT Afrikadan soñ TRT İspança sanlı xäbär platformasın tormışqa aşırdı.
TRT İspança sanlı xäbär platformasın tanıtu “TRT İspança söyläşüçe illärneñ berençe matbuğat sammitı”nıñ ikençe könendä TRT ğomum mödire Zahid Sobacı räislegendä çınğa aştı.
Ğomum mödir açılışta yasağan çığışında TRT bularaq 17 televideniye häm 17 radiokanal, çit tellärdäge sanlı xäbär platformaları, xalıqara śifrlı platforma “Tabii”, 4 jurnal, 41 teldäge internet häm radiotapşıruları belän dön’yanıñ 7 qıytğasına ireşülären añlattı.
Çarada Êlemtä bülege başlığı Faxrettin Altun häm TRT ğomum mödire Sobacı belän ispan telendä söyläşüçe 18 ilneñ media oyışmalarınıñ yuğarı däräcäle citäkçeläre, "TRT İspança" platformasın açtı häm platformanıñ berençe xäbärlären urtaqlaştı.
