İstanbulda Parlamentlararası Qudüs platformasınıñ 5nçe konferenśiyäse uza

Törkiyä ilbaşı Räcäp Tayyip Ärdoğan İstanbulda Parlamentlararası Qudüs platformasınıñ 5nçe konferenśiyäsendä qatnaştı. Ul üz çığışında soñğı 1 ğasırda cirläre êtaplap basıp alınğan Fälästin xalqınıñ bügen tarixtağı iñ wäxşi zolımnarnıñ bersenä duçar buluın söyläde.

“Berkem dä ğayeplämäsen, niçek kenä mömkin tügel şikelle kürensä dä, fälästinle qardäşlärebez 203 kön buyı berüzläre genä qarşılıq kürsätkändä, yalğız başlarına böten keşelekneñ ğorurlığın yaqlağanda, bezdän genośidqa cawapsız qaluıbıznı kötmäsennär”,-dide Törkiyä ilbaşı. Ul 1967nçe yılğı çiklär belän başqalası Könçığış Qudüs bulğan bäysez, suveren, territoriyä bötenlege saqlanğan Fälästin däwläteneñ tözelüe öçen tırışaçaqların belderde. 

Ärdoğan Ğazzägä yärdäm itüdä Törkiyäneñ berençe rätlärdä buluın, säwdä nisbätennän 54 tovar törkemendä İzrailgä êksport çikläwe kertkän berdänber däwlätneñ dä Törkiyä ikänlegen telgä aldı.

Ul Amerika idaräseneñ İzrailgä birgän şartsız xärbi häm diplomatik yärdäm belän çişeleşkä öleş kertmäwen, problemanıñ tağın da üsüenä kiterüen dä äytte.