Çavuşoğlu: "Bez böten mömkinleklärebez belän Qazaqstannıñ yanında"
Törkiyä Tışqı êşlär ministrı Mäwlüt Çavuşoğlu, awır könendä Qazaqstan belän bergä bulırğa burıçlı buluların belderep: "Monnan soñ da bez böten mömkinleklärebez belän Qazaqstannıñ yanında häm böten mömkinleklärebezne mobilizaśiyälärgä äzer”, - dip äytte
Çavuşoğlu Qazaqstan kön tärtibe belän onlayn bularaq cıyılğan Törki däwlätlär oyışması tışqı êşlär ministrlarınıñ çirattan tış cıyılışında qatnaştı.
Biredä çığış yasawçı Çavuşoğlu Qazaqstanda yäşängän täräqqıyätlär arqasında Törki däwlätlär oyışması tışqı êşlär ministrları bularaq çirattan tış cıyıluların, törki dönya ğailäseneñ möhim äğ’zase bulğan Qazaqstandağı waqıyğalarnıñ härkemgä bik nıq täêsir itüen äytte.
Çavuşoğlu, Qazaqstandağı täräqqıyätlärne borçılıp küzätülären, törki dönyanıñ zur ğailä buluın iskärtep uzıp: "Qazaqstandağı täräqqiyätlärgä bik borçıldıq. Muhtar (Qazaqstan tışqı êşlär ministrı Muhtar Tileubärdi) qardäşemgä häm Qazaqstan xalqına uzğan bulsın dip telim. Häläq buluçılarğa Allahtan yarlıqaw, yaralanuçılarğa aşığış şifalar telim. Törki däwlätlär ğailäse bularaq şuşı awır könnärendä qazaq qardäşlärebezneñ yanında, alar belän teläktäşlek êçendä bez”, - dip belderde.
Wazğıyätneñ kontrol’ astına alınuınnan qanäğät bulularına basım yasawçı Çavuşoğlu Qazaqstanda Alihan Smailovnıñ yaña baş ministr bulıp bilgelänüenä şat buluların häm üze belän xezmättäşlek êçendä êşlärğä däwam itäçäklären äytte.
Çavuşoğlu, Qazaqstanda tınıçlıqnıñ häm totrıqlılıqnıñ töbäk häm oyışma öçen bulğanı kebek dönyaküläm tınıçlıq öçen dä möhim buluın belderep: "Qazaqstan bu krizisnı xäl itäçäk sälätkä, täcribägä häm däwlät yolasına iyä. Maqtawlı Başlığıbız Nursoltan Nazarbayev häm İlbaşı Qasım Cömärt Toqayevneñ vizionı qısalarında köçle däwlät aqılı formalaşqan. Qazaq xalqı da xäzerge problemalarğa çişeleş tabu maqsatınnan çığıp berlek häm berdämlek ruxın kürsätäçäk töple fikergä iyä”, - dip äytte.
Törki däwlätlär oyışması bularaq yasağan urtaq belderüdä häm bügen qabul iteläçäk urtaq beldergedäge töp yullamalarınıñ zur törki dönya bularaq Qazaqstannıñ yanında buluların, ildäge totrıqlılıqnıñ yañadan urnaştırıluı öçen Qazaqstanğa yaqlawlarınıñ tulı häm töğayen buluın citkerüçe Çavuşoğlu: "Törkiyä bularaq ta iñ baştan birle qazaq organnarı belän êlemtädä idek. Monnan soñ da böten mömkinleklärebez belän bez Qazaqstannıñ yanında häm barlıq mömkinleklärebezne mobilizaśiyälärgä äzer”, - dip belderde.
