Dezinformaśion suğışlarda ilneñ xaq-xoquqın saqlaw
İlbaşı idaräseneñ êlemtä başlığı Fahrettin Altun monnan arı säyäsi suğışqa äylängän dezinformaśion suğışlarda ilneñ xaq-xoquqın saqlaw öçen tırışlıq sarıf itäçäklären belderde
Fahrettin Altun "10nçı ğıynwar’ êşläwçe jurnalistlar köne” mönäsäbäte belän êlemtä räislegendä İlbaşı idaräse xäbärçeläre belän oçraştı.
10nçı ğıynwar’ êşläwçe jurnalistlar könen qotlawçı Altun inglizçä yazğan "Türkiye as a Stabilizing Power in an Age of Tormoil” (“Global’ xaos çorında totrıqlılıq täêmin itüçe köç: Törkiyä)" isemle kitabın cıyılışta qatnaşqan jurnalistlarğa imzasın salıp büläk itte.
Dezinformaśiya suğışlarınıñ illärneñ totrıqlılığına, demokratiyälärenä citdi mäğ’nädä yanawğa äylänüenä iğ’tibarnı yünältüçe Altun Törkiyäneñ säläten, köçen xalıqara mäydanda tağın da anıq itep bilgeläw iniśiativasın däwam itteräçäklären iskärtep uzdı.
Altun strategik êlemtä konśepśiyasın kiläse çorda 3 ölkädä arttıraçaqların belderde.
Monıñ nigezendä Törkiyä brendın tağın da kürenerlek häm täêsirle qılu öçen däwlät diplomatiyası êşçänlege däwam iteläçäk. İkençese, monnan arı säyäsi suğışqa äylängän dezinformaśion suğışlarda ilneñ xaq-xoquqın saqlaw öçen tırışlıq sarıf iteläçäk. Öçençese bularaq, Törkiyä êlemtä modeleneñ nigez saluı häm instituśiyonalizaśiyälänelüe êşçänlege alıp barılaçaq.
