Ärdoğan Süriyä häm Äfğanstan turında fikerlären citkerde

İlbaşı Räcäp Tayyip Ärdoğan Süriyädä separatist terror oyışması “PKK/YPG”gä, Amerika Quşma Ştatları häm Äsäd rejimı yaqlawına qarşı härtörle köräşne alıp baraçaqların belderde.

İlbaşı Ärdoğan İstanbulda comğa namazınnan çıqqan çaqta jurnalistlarnıñ sorawlarına cawap birde.

Süriyäneñ tön’yağında “PKK/YPG/PYD” separatist terror oyışmasınıñ urnaşuın häm bolarğa yärdäm kürsätüçe illärneñ başında koaliśiya köçläre häm Amerika Quşma Ştatlarınıñ toruın belderüçe Ärdoğan: "Bolar kürsätkän härtörle yärdäm, qoral, xärbi kiräk-yaraqlar, bolar belän bergä biredä terrorçılıq yasıy. Bolarğa qarşı bez köräşäbez. Rejim bolardan köçen ala. Bolarğa qarşı köräşebez monnan soñğı barışta tağın da üzgä ber räweştä däwam itäçäk. Terror oyışmalarına, AQŞnıñ andağı mäğ’lüm köçlärenä qarşı kiräkle köräşne alıp baraçaqbız, bu mäs’älädä bez täwäkkäl”, - dip äytte.

Äfğanstandağı täräqqiyätlärgä dä tuqtalıp uzuçı İlbaşı “Taliban”nıñ dönyada qabul itelüe êzlänülären alıp baruın belderde.

Kiçä Törkiyägä kilgän “Taliban” wäkillege belän ütkärelgän söyläşülärdä humanitar yärdäm bulmasın, Äfğanstandağı yaña barışnıñ êşkä sälätlelege bulmasın, bu mäs’älädä teläkläreneñ buluın citkerüçe Ärdoğan: "Bu teläklär mäs’äläsendä dä bez härtörle yärdämne äfğan xalqına kürsätäçäkbez. Barı tik Äfğanstandağı bu citäkçelek çınnan da xalıqara mönäsäbätlärdä äfğan xalqınıñ xoquqların saqlawda ğadel totışta bulsın. Mönäsäbätlärendä bezneñ belän, xalıqara mönäsäbätlärdä ğadel totışta bulsın. Mondıy adım yasalğan oçraqta, äfğan xalqı belän bezneñ iske duslığıbız bar, monı çitkä quyıp toruıbız mömkin tügel”, - dip äytte.

Ärdoğan Qabul aêroportınıñ êşlätelüe belän bäyle bularaq ta: "Qabul hawa mäydanınıñ êşlätelüen başqara idek. Monnan soñğı barışta da, ägär kileşülär tözelä alınsa, Törkiyä, Qatar, Äfğanstan mondıy adımnarnı yasıy alabız”, - dip iskärtep uzdı.