Çavuşoğlu Qıtay wazıyfadaşı Vang Yi belän küreşte
Törkiyä Tışqı êşlär ministrı Mäwlüt Çavuşoğlu Qıtay tışqı êşlär ministrı Vang Yi belän oçraştı
1676336
Üzbäkstanda oyıştırılğan "Urta häm Kön’yaq Aziya: regional’ bäyläneşlär, sınawlar häm forsatlar” temalı xalıqara konferenśiyädä qatnaşu öçen Taşkentqa kitkän Çavuşoğlu “Twitter”dan urtaqlaşqan yazmasında Qıtay wazıyfadaşı belän küreşep söyläşüen belderde.
Ministr Çavuşoğlu Qıtay wazıyfadaşı belän ike ilneñ Däwlät başlığınıñ soñğı telefon söyläşülärendä quzğatqan mäs’älälärgä tuqtalıp uzuların citkerde.
İlbaşı Räcäp Tayyip Ärdoğan belän Qıtay Däwlät başlığı Şi Cinpingneñ 13nçe iyül’dä ütkärgän telefon söyläşüendä säwdä, kapital salu, ênergetika, transport häm sälamätlek saqlaw tarmaqları belän bergä Törkiyä-Qıtay mönäsäbätlären üsteräçäk adımnar häm regional’ täräqqiyätlär quzğatılğan ide.