Awrupa Berlege sammitınnan Törkiyä belän bäyle qarar

Awrupa Berlege sammitı däwam itkän arada Törkiyä belän bäyle qayber söyläşülär tögällängännän soñ näticä belderüeneñ tiyeşle öleşe cämäğat’çelekkä citkerelde.  

Anda Awrupa Berlege liderlarınıñ migraśya, sälamätlek, klimat, terrorçılıq belän köräş häm regional’ mäs’älälär şikelle ike yaqnı da qızıqsındıruçı temalarda Törkiyä belän yuğarı däräcäle dialogqa äzer buluları yazıla. Monnan tış, dokumentta Törkiyä belän Tamğaxanä berlegen yañartırğa wäqalät alu öçen texnik êşçänlekne başlaw xaqında da äytelä  

Awrupa Berlege şurası Awrupa Berlege komissiyäsenä Törkiyä, Yordaniya, Livan häm regionnıñ başqa cirleklärendä süriyäle möhacirlär häm alarnı sıyındıruçılarğa bireläçäk finans yärdämne däwam itü öçen kiçekmästän räsmi täq’dimne kertergä çaqırdı.

Belderüdä mondıy yullar da bar: “Awrupa Berlege şurası regional’ tınıçlıq häm totrıqlılıqta Törkiyä belän Awrupa Berlegeneñ urtaq mänfäğat’läre nisbätennän Törkiyä häm barlıq aktyerlarnıñ cirle krizislarnı çişüdä uñay öleş kertüen kötä”.