Törkiyӓ Ӓfganstannıň qayğısın urtaqlaştı
Tışqı êşlӓr ministrlığı:"Höcümdӓ ğomeren yuğaltuçılarğa Allahtan yarlıqaw, yaralanğan keşelӓrgӓ şifalar telibez"
Törkiyӓ Ӓfganstandağı bombalı terror höcümendӓ ülüçelӓr uňayınnan ilneň qayğısın urtaqlaştı.
Tışqı êşlӓr ministrlığınıň bu xaqtağı belderüendӓ Ӓfganstannıň Logar vilayӓtendӓ iftar waqıtında oyıştırılğan bombalı höcümdӓ küp sanda keşeneň ğomeren yuğaltuı hӓm yaralanuınıň borçu tudıruı citkerelde.
”Terror höcümen başqaruçılarnı lӓğ’nӓtlibez hӓm alar ğadӓlӓt qarşında cawap birerlӓr dip ışanabız. Höcümdӓ ğomeren yuğaltuçılarğa Allahtan yarlıqaw, yaralanğan keşelӓrgӓ şifalar telibez. Dus hӓm tuğandaş Ӓfganstan xalqınıň hӓm xökümӓteneň qayğısın urtaqlaşabız” diyelӓ tışqı êşlӓr ministrlığı belderüendӓ.
İsegezgӓ töşerbez: Ӓfganstannıň Logar vilayӓtendӓ kiçӓ awız açu waqıtında bombalı höcüm yasalğan, anda 30 keşeneň ğomere özelgӓn, 90 nan kübrӓk keşe cӓrӓxӓtlӓngӓn ide.
